Ka mbërritur në 10 numri i viktimave nga stuhia e madhe e borës që ka goditur bregun lindor të Shteteve të Bashkuara. Lajmi është bërë i ditur nga NBC, sipas së cilit, personat që kanë ndërruar jetë janë banorë të Karolinës së Veriut, gjatë një seri incidentesh të shkaktuara në rrugët prej akullit e borës.
Mbi 85 milion banorë në 20 shtete janë përfshirë nga ardhja e “Jonas”, i cili ka çuar në anulimin e thuajse 6 mijë fluturimeve gjatë ditës së djeshme dhe të sotme (23 janar).
Në Tennessee, North Carolina, Virginia, Maryland, Pennsylvania si dhe në distriktin Columbia është deklaruar gjendja e emergjencës. Në gjendje vigjilence të lartë është edhe New York, Baltimora e Philadelphia./tesheshi.com/
