Interneti është plotë me receta e këshilla për kujdesin ndaj lëkurës dhe për mënyrat se si të humbni në peshë. Ndërkohë që disa prej këtyre sugjerimeve mund t’ju duken nj ide e mirë, ju mund të jeni duke dëmtuar lëkurën e fytyrës tuaj. Më poshtë gjeni disa nga produktet që nuk duhet t’i aplikoni bruto, të papërpunuar në lëkurën tuaj dhe arsyet pse ju dëmtojnë.
Spraji i flokëve – Mos e përdorni pasi ju than lëkurën, mbyll poret, irriton lëkurën dhe mund të shkaktojë një sërë problemesh të tjera.
Locioni i trupit – Ka këtë emër për një arsye “është destinuar për trupin’, ndaj mos e përdorni në lëkurën e fytyrës, pasi ajo është më e dobët dhe më pak rezistente.
Pasta e dhëmbëve – Është një produkt që shumë femra e përdorin, veçanërisht për eliminimin e puçrrave. Edhe pse ajo mund të eliminojë aknet, ju irriton lëkurën dhe mund të krijojë probleme serioze di djegia nga kimikatet apo rënia e lëkurës.
Qiriu i lëkurës apo vazelina – Është krijuar enkas për hidratimin e lëkurës. Mos e përdorni atë në fytyrë, pasi në fillim mund të duket sikur është duke ju hidratuar, por më pas do të vini re se ajo do të bëhet menjëherë pis dhe me yndyrna.
Uji i nxehtë – Të gjithë kanë dëshirë të bëjnë dush me ujë të ngrohtë në vjeshtë e në dimër, por nxehtësia e madhe i bën dëm lëkurës, e veçanërisht asaj të fytyrës. Ai eliminon vajrat natyralë të lëkurës dhe e than atë.
Peroksidi i hidrogjenit – Përdoret përgjithësisht për të parandaluar infeksione të ndryshme apo djegiet, por nuk është një medikament i këshillueshëm për përdorim në fytyrë. Ai mund të shkaktojë inflamacion apo reaksion alergjik.
Sheqeri – Përgjithësisht, të gjitha skrabet që prodhohen në kushte shtëpie përmbajnë sheqer, mirëpo ai e dëmton lëkurën e fytyrës, duke qenë se ajo nuk është aq rezistente sa edhe lëkura e trupit.
Alkooli – Ai mund të duket sikur ka efekt në pjesë të ndryshme të fytyrës fillimisht, por më pas do të vini re se në të vërtetë, lëkura juaj thahet së tepërmi dhe dëmton qelizat e sipërfaqes së lëkurës.
Soda e bukës – Shumë njerëz e përdorin si skrab në lëkurën e tyre të fytyrës, por duhet ta eliminojnë me çdo kusht, pasi ajo ndikon drejtpërdrejtë në çbalancimin e pH si dhe dëmton lëkurën.
Limoni – Soda e bukës ka një përmbajtje të lartë alkaline, ndërsa lëngu i limonit është krejt e kundërta, pasi përmban sasi të mëdha të acidit dhe dëmton nivelin e PH. Gjithashtu mund të irritojë lëkurën e të krijojë djegie në zona të ndryshme të saj./tesheshi.com/
