Auto Dak
Auto Dak

ARSYETIMI/ Tahiri, dy ditë pas dënimit: ja e vërteta e “kanabizimit të vendit”

Në një sfond të gjethnajshëm, ish-ministri i Rendit Saimir Tahiri doli para mediave për t’u mbrojtur dhe njëherë publikisht, e kjo dy ditë pasi gjykata e Krimeve të Rënda vendosi për të dënimin me 5 vite, nën akuzën e “shpërdorimit të detyrës”, thënë ndryshe, për kanabizimin e vendit kur ai drejtonte rendin.

“Ishte një gjysmë lajm i mirë për mua, gënjeshtrat morën një përgjigje, edhe pse as e plotë dhe as përfundimtare. Nuk është drejtësi e plotë. Beteja për të vërtetën time ndaloi dje vetëm në stacionin e parë dhe ka plot rrugë përpara. Do më duhet shumë punë për të bindur edhe ata që nuk e kanë kuptuar sesa të pavërteta janë thënë deri tani.

Gjykata tha se unë kam shpërdorurar detyrën. Me aq sa u lexua në sallë, vendimi kishte të bënte me faktin që kishin përmendur emrin tim disa kushërinj të mi. Dhe me faktin që nuk kam luftuar sa duhet kultivimin e kanabisit. Unë uroj të mos jenë këto argumentet, ndaj po pres ta lexoj, të shoh cilin ligj konkretisht kam shkelur duke shpërdoruar detyrën që m’u caktua dhe besua.

Në kulturën time, një vendim gjykate nuk komentohet por vetëm ankimohet. Për më tepër që vendimi nuk është zbardhur dhe më takon ta ankimoj sa të zbardhet. Jam i bindur që nuk e kam shpërdoruar kurrë detyrën që m’u besua në asnjë sekondë, e kam bërë me shumë pasion bashkë me ekipin tim e shndërruam policinë nga një institucion të degraduar në institucion të mirëfilltë, luftuam krimin me rekorde të pamenduara ndonjëherë”, tha Tahiri.

Ai pati dhe një përgjigje rreth akuzës se me të vendi i kanabizua.

“Bëra gabimin më të madh që thash se në cilën përmasë mbillej kanabisi në Shqipëri. Duke e luftuar në çdo cep, ndërhyra në kanabis. Duke ditur që po ta luftoja në cep do thonin ‘obobo c’bëhet me gjithë këtë kanabis’. Por ka qenë aty”, tha Tahiri.

Në apologjinë e tij, ish-politikani i lartë socialist në epokën “Rama”, u mbrojt dhe politikisht, duke kujtuar se askush si ai deri më sot nuk ka guxuar të përballet me drejtësinë, duke zgjedhur dhe të heqë dorë vullnetarisht nga imuniteti i deputetit.

“Një ish-ministër i Brendshëm kur u vranë 4 qytetarë këtu jashtë nuk u akuzua për shpërdorim detyre, dhe as kryeministri kur tha se Lazaratin e lashë të mbillej se ashtu ishte politika ime, as ministri i Mbrojtjes kur la 28 të vdekur në Gërdec. Më intereson vetëm e vërteta ime dhe do t’i shkoj deri në fund”, theksoi Tahiri. /tesheshi.com/

 

auto pjese dak

Related posts