728 x 90 Leaderboard

Studimi: konsumimi i arrave zgjat jetën

Shkencëtarët kanë përpiluar të dhëna nga një mostër popullsie prej rreth 120,000 njerëz mbi 30 vjet, për rolin e arrës në organizëm. 

Sipas studimit, arra është e mirë për zemrën në saje të përqëndrimit të lartë të yndyrës Omega 3, që redukton nivelin e kolesterolit në gjak. Megjithatë, pak e dinë se përmbajtja e saj në hekur, acid folik dhe vitamina A, B, E dhe zink, e bëjnë atë një aleat të përsosur për të përmirësuar cilësinë e lëkurës, si flokët dhe thonjtë.

Përveç kësaj, sipas studimit të fundit nga Universiteti i Harvardit, konsumimi i arrës një herë në javë ulë rrezikun e vdekshmërisë, duke zgjatur jetën.

Shkencëtarët kanë përpiluar të dhëna prej rreth 120,000 njerëzve gjatë një periudhe prej 30 vjetësh, duke arritur në përfundimin se ata që konsumonin arra kishin vdekshmëri prej 20 për qind më pak në krahasim me mostrën e popullsisë.

Rreziku i vdekjes nga sëmundjet e zemrës u ul në 29 për qind dhe ai i vdekjes nga kanceri ra në 11 për qind. Përfitimet u pa edhe në kikirikë, fëstëkë, bajame, etj,.

Një përfitim shtesë për ata që konsumojnë arra është se ata janë mbajtur të shëndetshëm dhe vital. 

“Ka një perceptim të përgjithshëm se nëse hani më shumë arra do të fitoni peshë. Rezultatet tona tregojnë të kundërtën”, tha Dr. Ying Bao specialist i studimin të lartpërmendur. /tesheshi.com/

Related posts