Auto Dak
Auto Dak

Rusia u jep lamtumirën 5 inxhinierëve të humbur nga shpërthimi bërthamor i raketave

Mijëra njerëz morën pjesë në funeralin e pesë inxhinierëve bërthamorë rusë të vrarë nga një shpërthim që ndodhi kur po provonin një motor të ri raketash, një tragjedi që nxiti frikën e rrezatimit dhe ngriti pikëpyetje në lidhje me një program të fshehtë të armëve.

Inxhinierët, të cilët vdiqën të enjten, u varrosën të hënën në Sarov, qendrën kryesore të kërkimit të armëve bërthamore të Rusisë.

Ministria e Mbrojtjes fillimisht raportoi shpërthimin në zonën e provave të marinës pranë fshatit Nyonoksa, ku tha se mbetën të pajetë dy njerëz dhe u plagosën gjashtë të tjerë, numër i cili doli të ishte më i madh.

Viktimat që po punonin në një platformë detare ishin duke provuar një motor raketash, kur si pasojë e shpërthimit u hodhën në det.

Shpërthimi ndodhi ndërsa inxhinierët po testonin një “burim të energjisë së izotopeve bërthamore” për një motor rakete. Autoritetet lokale në Severodvinsk, një qytet me 183,000, raportuan një rritje të shkurtër të niveleve të rrezatimit pas shpërthimit, por thanë se nuk do të paraqiste ndonjë rrezik për shëndetin. /tesheshi.com/

auto pjese dak

Related posts