Auto Dak
Auto Dak
Auto Dak

Rekord mediatik shqiptar në Maqedoni: bëhen 5 televizione që flasin

Nga Mensur Krasniqi

Viti 2015 do mbahet mend për plotësimin e eterit mediatik të shqiptarëve të Maqedonisë. Brenda një intervali kohor prej 1 viti eterit iu bashkuan edhe tre televizione nacionale, Tv Art, Tv 21 Maqedoni dhe së fundmi edhe Tv Shenja, krahas servisit publik “TvM2”, dhe televizionit kombëtar “Alsat-M”.

E para theu akullin televizioni “Art”, me seli në Tetovë, e cila nga dhjetori i vitit të kaluar nga niveli lokal u transferua dhe morri licencën e televizionit nacional.

Më 21 shtator të këtij viti, “Air Box-in” e aktivizoi edhe Tv 21 – Maqedoni, i cili televizion vjen si pjesë e rrjetit mediatik “21 Media”, nga Republika e Kosovës.

Brenda muajit nëntor, fillon me punë edhe televizioni nacional “Tv Shenja”, me cka numri i televizioneve kombëtare që transmetojnë program kryesisht në gjuhën shqipe shkon në pesë, përfshi këtu edhe servisin publik, programi i dytë në gjuhën shqipe.

Kjo lëvizje bëhet më e theksuar nga fakti se prej vitit 1991, me ardhjen e pluralizmit politik në Maqedoni, nuk ka patur lëvizje të tilla sa u përket televizioneve nacionale me program në gjuhën shqipe.

E para u hap televizioni kombëtar “Alsat-M” e cila filloi transmetimin e programit në shtator të vitit 2005 dhe këtë vit shënoi 10 vjetorin e themelimit.

Disa vite më vonë në etër u shfaq edhe “Tv Alb”, por jetëgjatësia e këtij televizioni ishte e shkurtër dhe nuk arriti të kremton as një vjetorin e themelimit.

Aktualisht, krahas servisit publik, sipas zhurnal në regjistrin e televizioneve në Agjencinë për Shërbime Mediatike Audio dhe Audiovizuele të regjistruar janë 14 televizione nacionale të karakterit privat, nga të cilat katër figurojnë me program në gjuhën shqipe. /tesheshi.com/

 

auto pjese dak

Related posts