Auto Dak
Auto Dak

Qyteti i Kosovës që do të vendosë 100 kamera sigurie

Gjilani brenda këtij viti pritet të bëhet ndër qytetet e Kosovës ku do krijohet siguri më e madhe për qytetarët. Kjo falë një investimi të Ambasadës amerikane e cila përmes ICITAP-it do të investojë me 100 kamera të sigurisë në vlerë prej 88 mijë dollarësh në këtë qytet. Lajmin e ka bërë të ditur kryetari i Gjilanit, Lutfi Haziri, në mbledhjen e bordit të drejtorëve të mbajtur të hënën.

“E falënderoj ICITAP dhe Ambasada Amerikane për mbështetjen në realizimin e këtij projekti shumë të rëndësishëm për Gjilanin. Kamerat do të vendosen në qytet, nëpër institucionet publike, në shkolla dhe në tri hyrje-daljet e qytetit dhe me këtë do të krijohet një siguri dukshëm më e madhe për qytetarët”, ka thënë Haziri.

Ai ka bërë të ditur se projekti do të fillojë brenda pak ditësh, ndërkaq do të përfundojë brenda këtij vitit, përderisa Komuna e garanton mirëmbajtjen e tyre. /tesheshi.com/

auto pjese dak

Related posts