Auto Dak
Auto Dak

Prapaskenat e largimit të Alban Zusit: Përplasja PS-LSI shkakton “viktimën” e parë

Zbulohen prapaskenat e një largimi që pak ka rënë në sy në qeverinë shqiptare, por që mund të shpërthejë së shpejti.

Një konflikt i fortë mes PS-së dhe LSI-së ka shpërthyer në një nga dikasteret më të rëndësishme të qeverisë duke sjellë si pasojë largimin e zv.ministrit Alban Zusi që ka dërguar një raport të hollësishëm tek krerët e tij, që do të thotë edhe të kryeministri Rama.

Por siç mësohet, kjo çështje ndodhet në sirtaret e drejtësisë shqiptare.

Bëhet fjalë për një proces që ka nisur midis një konsorciumi norvegjes dhe ministrisë së Bujqësisë për dhënien e një tenderi mbi tokat me qera.

Dhënia e dorëheqjes së zv.ministrit të Bujqësisë, Alban Zusi, ka ardhur pas një përplasje me ministrin e Bujqësisë, Edmond Panariti, në lidhje me disa kontrata që u janë dhënë bisneseve në një koncension dhe që ka shkaktuar problem me investimet e huaja.

Siç mësohet, ka nisur një proces mes ministrisë së Bujqësisë dhe një grupi të madh norvegjez që ka hedhur në gjyq dikasterin për shkelje të kontratës për ndërtimin e një ferme të madhe në zonën e Topojës në Fier.

Bëhet fjalë për një investim që kap shumën e 22 milionë eurove, investin që nuk u arrit të bëhej.

Siç mësohet, dokumentat që janë depozituar në proces janë tërhequr edhe nga prokuroria e Krimeve të Rënda, e cila pritet të hyjë në dikaster për të verifikuar nëse ka korrupsion dhe abuzim me detyrën.

Vetë zv.ministri Zusi që i përket PS-së, në një komunikim telefonik ishte shumë i qetë dhe tha që largimi ka ardhur për çështje personale. Por tani përplasja e nisur në mes PS-së dhe LSI-së ka arritur pikat e vlimit dhe po shpërthen kudo. /tesheshi.com/

 

 

auto pjese dak

Related posts