Auto Dak
Auto Dak
Auto Dak

Nis debati në BE: A duhet që të vaksinuarit të kenë më shumë liri udhëtimi?

Shtetet anëtare të Bashkimit Evropian filluan një debat nëse njerëzit që kanë marrë vaksinën kundër COVID-19 duhet të kenë më shumë liri për të udhëtuar gjatë verës sesa ata që nuk janë vaksinuar.

Ministrat evropianë nga 27 vendet anëtare të BE mbajtën një konferencë video për të diskutuar koordinimin më të mirë të vaksinimit, një temë që udhëheqësit e BE do të diskutojnë në internet të enjten, njoftoi Reuters.

Kryeministri grek Kyriakos Mitsotakis paraqiti idenë javën e kaluar në një letër për Komisionin Evropian mbi lëshimin e një çertifikate vaksinimi në BE për të rinovuar udhëtimin ndërkufitar.

Ministri i Jashtëm gjerman Heiko Maas tha dje se njerëzit e vaksinuar duhet të kenë mundësinë të kthehen më herët në restorante dhe kinema, megjithëse ministrat e tjerë kanë kritikuar pikëpamjen e tij.

Vaksinimi është vullnetar

Nënkryetari i Komisionit Evropian, Marosh Shefçoviç, deklaroi se është e rëndësishme të theksohet se vaksinimi është vullnetar – disa njerëz nuk munden ose nuk duan të marrin vaksinën.

Shefcoviç tha në një konferencë shtypi pas takimit se të drejtat e atyre njerëzve nuk duhet të kufizohen.

Sidoqoftë, vaksinimi mund të bëhet një kusht për udhëtime, siç janë kërkesat aktuale në shumë vende që kërkojnë një test negativ të COVID-19.

“Do të ketë mundësi të ndryshme se si të merremi me udhëtimet – mundësia e një çertifikate elektronike të vaksinimit mund të shtohet,” theksoi ai.

Michael Roth, i cili përfaqësonte Gjermaninë, tha se më parë ishte e rëndësishme të përcaktohej nëse njerëzit e vaksinuar mund të vazhdonin të transmetonin koronavirusin tek të tjerët. /tesheshi.com/

auto pjese dak

Related posts