Auto Dak
Auto Dak
Auto Dak

Ngërçi Tiranë – Bruksel, kryenegociatori Mazi: Ngecja, te dialogu i munguar politik

Gjatë një mbledhje online të Këshillit Kombëtar të Integrimit, Kryenegociatori i Shqipërisë me BE-në  Zef Mazi, ofroi një rezyme të asaj çfarë ka ngecur mes Tiranës dhe Brukselit, për të pritshmen Konferencë të Parë Ndërqeveritare.

“Viti 2020 ishte i vështirë aq sa edhe i mëparshmi që BE të ruante një trajektore pozitive.

BE kishte në zhvillim e sipër miratimin e tre dosjeve madhore; buxheti afatgjatë, dalja e Britanisë së Madhe dhe rimëkëmbja prej pasojave të pandemisë.

Vend të veçantë në dosje kishte edhe paketa e zgjerimit me Shqipërinë dhe Maqedoninë e Veriut.

Në vitin 2018 komisioni propozoi hapjen e negociatave, pastaj erdhi dështimi i Unionit për të marrë vendim pozitiv në vitin 2019, gjë që u konsiderua nga kryeministri italian si ‘gabim historik’.

Në 2020 Këshilli vendosi hapjen e negociatave. Pas këtij vendimi objektiv mbetet mbajtja e Konferencës së Parë Ndërqeveritare.

Vendimi politik për hapjen e negociatave u mor më 25 mars 2020, Konferenca e Parë do të mbahej sa më shpejt, kështu ishte e shkruar. Deri atëherë vendi duhet të ketë përmbushur kërkesat specifike”, tha diplomati Mazi.

Sipas tij, shumë kushte janë plotësuar, por kriza e brendshme është një faktor pengues.

“Në BE nuk integrohen partitë politike. Unë besoj që duhet të flasim në një zë, me vepra pro integrimit në BE. Rezultatet dhe rritjet tona, janë domethënëse, topi mbetet në portën tonë për sa kohë nuk është më në fushën e BE”, tha Mazi, duke i mëshuar fort një dialogu të brendshëm mes palëve politike, i cili nuk ekziston. /tesheshi.com/

 

 

 

 

 

 

 

 

auto pjese dak

Related posts