MONARKU/ Shuhet Duka i Luksemburgut: ja suksesi i 36 vjet qeverisjeje

Duka i Luksemburgut, Jean, i cili mbikqyrte transformimin e Dukatit të Madh në një qendër financiare ndërkombëtare para abdikimit, kur ai ia dorëzoi fronin djalit të tij, vdiq në moshën 98-vjeçare.

Ai lindi më 5 janar 1921, si biri i dukeshës Charlotte.

Fëmijëria dhe rinia e tij ishin në hijen e Luftës së Dytë Botërore – familja e tij duhej të shpëtonte nga trupat naziste dhe të kërkonte strehim në Shtetet e Bashkuara dhe Kanada.

Jean u kthye në Evropë në 1942 për të marrë trajnim ushtarak në Sandhurst, Britani e Madhe.

Ai shërbeu shkurtimisht si roje në Pallatin e Buckinghamit, përpara se të bashkohej me forcat aleate në vitin 1944, duke marrë pjesë dhe në beteja.

Pas luftës ai u martua me një princeshë belge, Josephine Charlotte, me të cilën ajo ka pesë fëmijë.

Ai u bë guvernatori i gjashtë i Dukatit të Luksemburgut, kur nëna e tij Charlotte u abdikua në vitin 1964.

Për 36 vjet në krye të shtetit, vendi i tij prej gjysmë milioni banorësh, që ndodhet midis Belgjikës, Gjermanisë dhe Francës, është kthyer nga një provincë industriale në një qendër financiare ndërkombëtare.

Jean zgjodhi djalin më të madh, Henrin për t’u bërë trashëgimtari i tij, kur ai ia transferoi shumicën e detyrave në vitin 1998.

Ai u largua nga posti i Dukës së Madh në vitin 2000.

Luksemburgu është një monarki kushtetuese, në të cilën Duka i Madh ka fuqi ekzekutive dhe propozimet e Parlamentit bëhen ligje vetëm pas nënshkrimit të tij. /tesheshi.com/

auto pjese dak

Related posts