Auto Dak
Auto Dak
Auto Dak

FJALIMI/ Merkel: Si po na teston pandemia, si mund të shpëtojmë prej saj

Kancelarja gjermane Angela Merkel, tha në Bundestag, duke paraqitur masa të reja për të luftuar koronavirusin, se pandemia është një test shëndetësor, ekonomik, social, politik dhe psikologjik, i cili mund të kalojë vetëm me solidaritet dhe ndihmë të ndërsjelltë.

“Sigurisht, pandemia është një sfidë e madhe edhe për Evropën. Ne shohim te fqinjët tanë se si pandemia po zhvillohet me shpejtësi dhe po vë në provë sistemet shëndetësore. Megjithatë, unë jam i bindur se Bashkimi Evropian është tani më i gatshëm për të luftuar koronavirusin sesa ishte në pranverë. Bashkëpunimi është veçanërisht i rëndësishëm në prokurimin e vaksinave, kur ato janë gati”, tha ajo.

Merkel tha se Gjermania është në një situatë dramatike epidemiologjike, se ka pasur një kërcim të madh në numrin e njerëzve të infektuar, gjë që tashmë e ka sjellë sistemin e kujdesit shëndetësor në kufijtë e barrës.

“Ne duhet të dalim nga kjo situatë shpejt. Masat e rëna dakord janë të përshtatshme, të domosdoshme dhe proporcionale. Ne urgjentisht duhet të rivendosim mundësinë e monitorimit të zinxhirit të infeksionit. Prandaj, qëllimi i masave është të zvogëlojmë sistematikisht kontaktet midis njerëzve,” tha Merkel.

Siç shtoi ajo, takimet mes njerëzve duhet të zvogëlohen shumë, deri në 75 përqind.

Ajo paralajmëroi që populistët që zvogëlojnë rrezikun e koronavirusit janë të papërgjegjshëm dhe të rrezikshëm, raporton Bild.

Gjatë fjalimit, kancelarja u ndërpre nga thirrjet e përfaqësuesve të ekstremit të djathtë – Alternativa për Gjermaninë (AfD), ndaj të cilave reagoi kryetari i Bundestagut, Wolfgang Schauble.

Në fund, megjithatë, Merkel mori duartrokitje nga shumica e deputetëve.

Merkel njoftoi një dimër të vështirë, por theksoi se kjo do të marrë fund.

“Dimri do të jetë i vështirë. Katër muaj të gjatë. Por do të mbarojë. Gjermania po përballet me sfida të mëdha. Jam e sigurt që ne mund t’i kapërcejmë ato,” përfundoi kancelarja.

Qeveritë federale dhe provinciale gjermane ranë dakord të mërkurën për një “bllokim” të pjesshëm, në të cilin baret dhe restorantet, kinematë dhe teatrot do të mbyllen nga 2 në 30 nëntor. /tesheshi.com/

auto pjese dak

Related posts