Auto Dak
Auto Dak

Memorandumi për depolitizim të institucioneve në Kosovë, opozita: s’do të ketë sukses, u nënshkrua me kapësit e shtetit!

Nga Blendi Gashi

Ditë më parë, Ambasada e Britanisë së Madhe në Kosovë nënshkroi memorandum me qeverinë dhe kuvendin e Kosovës për depolitizimin e institucioneve shtetërore.

Ky memorandum erdhi pas shpërthimit të aferës së përgjimeve “Pronto 2”, me protagonistë krerët e lartë të PDK-së, ku tregohet se si drejtuesit e këtij subjekti, vendosin se kush duhet të punësohet në institucione, qoftë edhe nëse nuk janë profesionist për pozitën e caktuar.

Pas nënshkrimit të memorandumit, ambasadori, Ruairi O’ Connell ua tha në sy kryeminsitrit Isa Mustafa dhe kryekuvendarit Kadri Veseli se nepotizmi në Kosovë nuk është dukuri e re për vendin, ndërsa paralajmëroi se nëse vazhdon praktika e punësimit në bazë të farefisit dhe jo meritës, do shkatërrohet shteti.

Ndërsa kryeministri Isa Mustafa dhe kryekuvendari Kadri Veseli, tha se janë të interesuar ta ndryshojnë situatën e krijuar dhe punësimet të bëhen në bazë të meritave e jo intervenimeve të ndryshme.

 

Përgjegjësit të përgjigjen penalisht

Duke parë se një nga nënshkruesit e memorandumit është i përfshirë në aferën e përgjimeve si një prej personave kyç, partitë opozitare nuk presin ndonjë rezultat, për më tepër thonë se ambsadorët do të duhej të ndërpritnin bashkëpunimin me njerëzit e tillë.

albulena

Kryetarja e komisionit për legjislacion, Albulena Haxhiu, njëherit deputete e Vetëvendosje-s nuk e kupton qasjen e ambasadës britanike për këtë çështje, pasi për të është e pashpjegueshme se si me protagonistin e përgjimeve (urdhërdhënësin) të bëhet një memorandum bashkëpunimi.

Ambasadori britanik dhe cilido tjetër do të duhej të ndërprisnin bashkëpunimin me kokat e krimit dhe të kërkojnë drejtësi për këto skandalet e përgjimeve. Këta kriminelë nuk ndalen me memorandume të tilla, këta duhet të përgjigjen politikisht dhe penalisht për krimet e tyre. Ky menorandum është parë si një tendencë për hedhje hi, por besoj që qytetarët tashme i kanë mësuar pazaret e tyre. Kokat e krimit largohen vetëm me mobilizim popullor”, ka thënë, Haxhiu, për tesheshi.com.

Smajl Latifi, nga Aleanca për Ardhmërinë e Kosovës (AAK), thotë se problemi kryesor është në mendësinë e mbrapshtë të politikbërësve që janë në pushtet.

smajl latifi

Latifi nuk pret të jap ndonjë efekt memorandum i nënshkruar për depolitizim, pasi siç thotë drejtuesit kryesor të institucioneve publike, e kanë kapur shtetin dhe të gjitha resurset e tij.

Ata (pushtetarët) janë kthyer në pronar të shtetit, kurse qytetarët e tij i kanë çveshur nga të drejtat dhe mundësitë.
Kësaj mendësie të mbrapshtë është tepër e vështirë t’i besohet se do të bëjnë diçka kundër nepotizmit, krimit dhe korrupsionit apo kundër depolitizimit të bordeve të ndërmarrjeve publike.
Përse duhet të besojmë se do të kenë suksese kur dihen shkaktarët e këtyre fenomeneve të rënda që po i përjeton Kosova, edhe 17 vjet pas luftës?
Pra, nuk pres ndonjë rezultat konkret nga memorandume të tilla pavarësisht qëllimit të mirë që kanë, me protagonistë që i shkaktuan këto të këqija
”, thotë Latifi, për tesheshi.com.

Edhe Jakup Krasniqi nga partia NISMA për Kosovën ndan mendim të njëjtë me dy kolegët opozitarë, pasi nuk pret që memorandum të ndal nepotizmin që ka kapur institucionet.

kupi

Ish kryekuvendari përmes një shkrimi bërë në Facebook, ka thënë se duhet përshëndetur përpjekja e ambasadorit O’Connell, por ai dyshon se edhe këtë memorandum shpejt do ta mbulojë pluhuri në sirtarët e errtë të qeverisë!

Pajtohem plotësisht me ambasadorin e Mbretërisë së Bashkuar se ‘nepotizmi është një kancer që mbyt shtetin. Nëse praktika e punësimit të kandidatëve të papërshtatshëm vazhdon, kjo do ta shkatërrojë Kosovën dhe këtu nuk ka asnjë dyshim’. Po, çka ka kontestuese këtu? Kontestuese është se me aktorët me të cilët ambasadori e ka nënshkruar memorandumin, janë përgjegjësit kryesorë të ‘nepotizmit që po e mbyt shtetin’. Për njërin po e dëshmojnë përgjimet, ndërsa për tjetrin shikoni sesa ndryshime janë bërë në ATK dhe në ministritë e tjera, që drejtohen nga LDK-ja! E njëjta praktikë është ndjekur nga partitë e koalicionit qeverisës edhe në nivelin lokal gjatë gjithë këtyre viteve. Ky memorandum sado i mirë që të jetë, mund do të mbetet vetëm në letër, si shumë përpjekje të deritashme. Këta nuk përtojnë të nënshkruajnë gjithçka që iu ofrohet, por veprimet i bëjnë sipas ‘ligjeve të pashkruara të klaneve partiake’”, thotë Krasniqi.

Ndryshe, sipas memorandumit ambasada britanike do të financojë një kompani të pavarur, e cila do të udhëheqë procesin e rekrutimit të pozitave të larta në institucionet e Kosovës. /tesheshi.com/

 

auto pjese dak

Related posts