Auto Dak
Auto Dak
Auto Dak

Mediat italiane: Vizita e Ramës, për projektin e makro-rajonit Adriatik

Mediat italiane, kryesisht të rajoneve të Abruzzos dhe Molises (të cilat kanë mbuluar me detaje vizitën e Edi Ramës në Pescara), flasin për një projekt të rëndësishëm dypalësh si pjesë e makro-rajonit Adriatiko-Jonian, një projekt i Bashkimit Europian, ku pritet të ketë investime të konsiderueshme. Ndërkohë, përveç këtij projekti sipas medias italiane, Rama ka qenë më i paduruar duke u ofruar shumë gjëra  sipërmarrëeve italianë që të vijnë në Shqipëri, pasi do të kenë kushte të favorshme fiskale, mungesë burokracie, dhe madje ka premtuar që do të heqë TVSH për biznesin prodhues që punëson kryesisht të rinj shqiptarë.

dalfonso_edirama_abruzzo“Kemi shumë nevojë për punë, rinia jonë është mjaft numeroze dhe ka favor njohjen e italishtes dhe kosto e ulët të punës”, citon Kryeministrin shqiptar, Edi Rama, abruzzoindependent.it, e cila nënvizon se në sallën e madhe të provincës së Pescara-s ishte mbledhur ajka e biznesit, duke i përmendur me radhë, natyrisht në fillim krerët e CONAD, një emër që ka investuar prej vitesh në Shqipëri, por është penguar nga konkurenca e pandershme e mbështetur nga qeveria e shkuar. “Ishin vërtetë të gjithë protagonistët kryesorë të pasurisë së Abruzzo-s të përfaqësuar që nga biznesi i mbetjeve, ndërtimit, duke vazhduar me telekomunikacionin, prodhimin e shitjen e verës, agroindustria dhe shitjet me pakicë, thekson në shkrimin e saj abruzzoindependent.it. Ndëraq agjencia kombëtare e lajmeve ANSA, i mëshon më shumë idesë së makro-rajonit Adriatik, ku Abruzzo dhe Shqipëria do të jenë pjesë integrale e një bashkëpunimi më të madh.

“Mbi rolin e Pescara-s dhe Abruzzo-s në makro-rajonin Adriatik, Rama ka theksuar se gjeografikisht Pescara është qendra natyrore këtij makro-rajoni, por forca nuk qëndron vetëm te pozicioni gjeografik, pasi  e rëndësishme është se ka një skuadër që punon në një projekt të qartë dhe të bukur. Presidenti i Rajonit me durim dhe vendosmëri ka folur pa u lodhur për këtë projekt që tani ka ardhur koha të nisim diçka konkrete”, thekson ANSA në shkrimin e saj. Kryeministri shqiptar ka ftuar në veçanti biznesin që operon në fushën e energjisë të kapin mundësinë që ofron Shqipëria në ndërtimin e hidrocentraleve të rinj. “E kemi liberalizuar këtë sektor”, theksoi kryeministri shqiptar gjatë vizitës së tij zyrtare në Abruzzo. Vetëm, një muaj më parë në Tiranë ishte presidenti i rajonit të Abruzzo, Luciano D’Alfonso, i ftuar nga Kryeministri shqiptar, në një takim për të konkretizuar këtë projekt të nisur.

“Shqipëria për ne është një treg për të ecur dhe në Ballkan, por edhe mundësi për investime:, ka thënë D’Alfonso në fjalën e tij.

(tesheshi.com)

auto pjese dak

Related posts