728 x 90 Leaderboard

Kriza e lirës: Turqia lehtëson dhënien e shtetësisë, kërkesa e parë nga franko-rusi Gerard Depardieu

Më parë për të marrë një pasaportë turke, 3 milionë dollarë u kërkua në një llogari bankare dhe tani është reduktuar në 500,000.

Turqia ka reduktuar kriteret financiare dhe investuese për të huajt që kërkojnë të bëhen shtetas të saj, ndërsa vendi po lufton me krizën e lirës të shkaktuar nga sanksionet e SHBA.

Shuma totale e dollarëve ose e valutave të tjera të kërkuara për të marrë nënshtetësinë turke është zvogëluar, thuhet në rregulloren e rishikuar të botuar në Gazetën Zyrtare.

Më parë, për të marrë nënshtetësinë, një person në llogarinë bankare duhej të kishte 3 milionë dollarë, ndërsa tani u reduktua në 500,000 dollarë. Gjithashtu, vlera e investimeve kapitale për shtetësinë turke është zvogëluar nga 2 milion dollarë në në 500 mijë.

Dy opsionet e tjera për të marrë një pasaportë turke përmes investimeve gjithashtu janë lehtësuar. Një aplikant për shtetësi tani duhet të punësojë 50 qytetarë turq, ku më parë ai duhej të punësuar 100; ose duhe të investonte vetëm 250,000 dollarë në tregun e pasurive të patundshme, ndërsa mund të të investojë dy herë më shumë.

Masat e reja janë futur disa javë pasi monedha e lirës turke humbi më shumë se 40 përqind të vlerës së saj ndaj dollarit, gjë që çoi në inflacion.

Kriza filloi pasi presidenti amerikan Donald Trump njoftoi se Shtetet e Bashkuara do të dyfishonin tarifat doganore mbi importet e çelikut dhe aluminit nga Turqia, në një përpjekje për t’i bërë presion Ankarasë që të  lironte pastorin amerikan Andrew Brunson, i cili është në burg si i implikuar me lëvizjen Gylen, të cilën Turqia e akuzon për grushtin e shtetit të korrikut 2016.

Sipas mediave turke, aktori francez Gerard Depardieu, i cili mori shtetësinë ruse në 2013, është një nga kandidatët për shtetësinë turke.

Hurriyet Daily News njoftoi se Depardieu tha se ai do të vizitojë Turqinë në tetor dhe do të flasë me vetë presidentin Erdogan, për të marrë një pasaportë turke. /tesheshi.com/

 

Related posts