reklama juaj ketu
reklama juaj ketu

Kërcënimi i Karaxhiç: lëmë ndeshjen qoftë edhe me incidentin më të vogël

Presidenti i Federatës Serbe, Karaxhiç ka paralajmëruar se do të braktisin ndeshjen nëse ndodh incidenti më i vogël në “Elbasan Arena”. “Në rast se një incident i ri ndodh, loja s’do të luhet”,  ka thënë Karaxhiç. Një ndërprerje e ndeshjes me siguri do të thoshte humbje e ndjeshjes në tavolinë për Shqipërinë dhe kompromentim.  Në konferencën e dhënë për mediat, pas vendosjes në Hotel Rogner, delegacioni i kombëtares serbe vlerësoi përfaqësuesen kuqezi, ndërsa deklaroi se skuadra e tij do të hyjë në fushë për fitore.

“Kombëtarja jonë është ende në formim, ndërsa Shqipëria ka një skuadër të konsoliduar. Shqipëria është një ekip fortë dhe jo më kot është në vendin aktual në grupin tonë”, tha ai.

Ndërkohë, kapiteni Oliver Ivanoviç, duke iu përgjigjur interesimit të gazetarëve mbi impaktin e parë në Tiranë, tha se ishte i vetëdijshëm që ndeshja i kalon caqet e futbollit.

“Gjatë rrugës kishte një pirg me gurë, njëri prej tyre ishte më i madh. Fatmirësisht nuk ishte një incident i rëndë. E dimë që kjo ndeshje tejkalon sportin, por ne duam vetëm futbollin dhe do të përpiqemi me çdo mënyrë ta fitojmë këtë ndeshje”, tha Ivanoviç.

Kapiteni serb shtoi se ky rast është rasti më i mirë për të ndryshuar mentalitetin mes dy popujve në Ballkan. /tesheshi.com/