Auto Dak
Auto Dak

Ja si komunat paralele serbe u bëjnë karshillëk komunave “fiktive” të Kosovës në Veri…duke marrë dhe nga dy rroga!

Nga Gani Gashi

Komunat paralele serbe dhe krerët e tyre në Veri po vijojnë të jetojnë kohë të lumtura, ngase jo vetëm që i sfidojnë hapur marrëveshjet ndërkombëtare – ndërkohë që shtetin e Kosovës e kanë sfiduar me kohë – por krerët dhe nëpunësit e saj marrin dhe nga dy rroga: një që u vjen nga Prishtina e tjetra që u vjen nga Beogradi…       

Asnjë marrëveshje e arritur në Bruksel  mes qeverisë së Prishtinës dhe asaj të Beogradit për normalizimin e marrëdhënieve në mes të këtyre dy vendeve për shuarjen e strukturave paralele në veri të Mitrovicës dhe Kosovës, nuk është realizuar. Kështu ka bërë me dije një burim për portalit tesheshi.com.

Në anën tjetër, kjo konfirmohet dhe zyrtarë të komunës së veriut të Mitrovicës të dalë nga zgjedhjet e fundit lokale në Kosovë, që po ashtu janë shprehur  për tesheshi.com se komunat paralele serbe funksionojnë edhe përkundër arritjes së marrëveshjes në Bruksel.

“Një pjesë e strukturave paralele serbe, me marrëveshje vetëm sa janë legalizuar nga ana e Prishtinës zyrtare, ndërkohë që një pjesë e këtyre strukturave paralele ende punojnë dhe veprojnë në veri të Mitrovicës me bekimin e Beogradit e të pa penguar nga askush”, thënë një burimi.

Sipas tij, komunat paralele të Serbisë janë duke u bërë karshillëk komunave “fiktive” të shtetit të Kosovës në veri të vendit, duke filluar nga Mitrovica, Zubin Potoku, Leposaviqi e Zveçani.

‘Komuna paralele serbe në veri të Mitrovicës funksionojnë me të gjitha njësitë e saj, edhe pse me marrëveshje të Brukselit këto institucione paralele të Serbisë është dashur të shuhen, por një gjë e tillë nuk ka ndodh”, ka thënë Emir Azemi, nënkryesues i asamblesë komunale të veriut të Mitrovicës.

Azemi më tej sqaron se komuna paralele serbe në Veri të Mitrovicës ka kryetarin e saj, e që njëkohësisht është edhe nënkryetar i komunës së Veriut i dalë nga zgjedhjet lokale të mbajtura në fund të vitit 2013 e në fillim të 2014.

“Strukturat paralele serbe vetëm se janë legjitimuar dhe nuk janë shuar, siç është paraparë me marrëveshjen e arritur në Bruksel; e pas zgjedhjeve në Kosovë qeveria e Beogradit me dekret ka caktuar edhe kryetarët e komunave duke thyer marrëveshjen e arritur”, ka thënë Azemi.

Ndërsa burimi i portalit tesheshi.com nga veriu i Mitrovicës me kusht të anonimitetit, ka informuar se Aleksandar Spiriq është emëruar kryetar i komunës paralele serbe nga ana e qeverisë së Serbisë. Sipas burimit, Spiriq është edhe nënkryetar i komunës legjitime të veriut të Mitrovicës i dalë nga zgjedhjet lokale të mbajtura në Kosovë e që nuk është duke funksionuar.

Më tej ai sqaron se komuna paralele ka kuvendin e saj si dhe të gjitha njësitë tjera, sjell vendimet të ndryshme, por çfarë është më skandaloze, stafi i kësaj komune merr dy paga: një nga Serbia dhe tjetrën nga Kosova.

Në anën tjetër sqaron burimi, në Leposaviq, kryetar i komunës i dalë me votat nga zgjedhjet lokale të Kosovës mban edhe dy pozita të tjetra: Kryetar i komunës paralele të caktuar nga qeveria e Serbisë, si dhe drejtori i qendrës për punë sociale, po ashtu i caktuar nga Beogradi.

Një sistem i ngjashëm vepron edhe në Zubin Potok, ku Stevan Vulloviq është kryetar i dy komunave: asaj të Serbisë dhe të Kosovës po ashtu.

Sipas burimit, në Zveçan, kryetari i këshillit të përkohshëm i emëruar nga Serbia, është Dragani, i njohur me nofkën ‘katoliku’, afarist dhe njëri ndër kontrabandistet më të mëdhenj të këtij qyteti.

Burimi i portalit tesheshi.com, ka shtuar se shumica dërmuese e nëpunësve të komunave paralele të Serbisë, pas marrëveshjes së arritur në Bruksel tani gjenden në listat e pagave të qeverisë së Kosovës, përkatësisht të komunave të Kosovës që janë vendosur në veri e që në realitet janë vetëm komuna fiktive.

Burimi shton se ayrtarët komunal të komunave veriore marrin nga 600-850 euro paga nga Serbia, pasi që kanë edhe shtesën për Kosovën 50 për qind, si dhe pagën e Kosovës.

Sipas tij, të gjitha institucionet paralele të Serbisë në veri të Kosovës janë duke funksionuar, edhe pse me marrëveshje të Brukselit ato është dashur të shuhen. /tesheshi.com/

 

 

 

auto pjese dak

Related posts