Auto Dak
Auto Dak

Iu shua vëllai në një aksident të tmerrshëm, deputetja Gjylameti u lutet rrjeteve: tregohuni njerëz!

Blerina Gjylameti, deputetja socialiste e cila humbi këtoditë vëllanë në një aksident të tmerrshëm në tunelin e autostratës Tiranë – Elbasan, i është drejtuar me një lutje opinionit që mos abuzojnë me rast, duke bërë aludime të pavërteta, mbi shkaqet apo mbi atë që po ndodh pas aksidentit, në drejtim të hetimeve.

Ajo i thërret arsyes, por dhe humanitetit, si një përpjekje për t’u vënë fre gojëlëshuarve nëpër rrjete, ku dhe nga yshtjet politike po shfrytëzojnë këtë fatkeqësi.

 Te dashur miq!

Ju falenderoj pa masë të gjithëve për mbështetjen që më keni dhënë mua dhe familjes time në këto orë dhe ditë të vështira.

Ndjej obligimin moral dhe qytetar t’ju informoj se në asnjë moment as nga unë as nga familjarët e mi nuk është bërë asnjë presion ndaj organeve ligjzbatuese as për shoferin e kamionit dhe për asnjë person tjetër. E vetmja gjë që na ka lehtësuar është që në aksident nuk është përfshirë asnjë jetë tjetër.

Për ata që duan të përfitojnë për lajme e klikime nga fatkeqësi të kësaj natyre nuk kam asnjë koment t’ju bëj veçse t’ju kujtoj se po bëjnë një gjë të kundraligjshme.

Për të gjithë ata që kanë gjetur moment për të shprehur publikisht mllefet dhe pakënaqësitë e tyre ndaj çdo lloj gjëje që s’ka të bëjë me jetën e vëllait tim i them bëhuni njerëz dhe mos e kalofshi kurrë një gjë të tillë.

Do t’ju lutesha për hir të fëmijëve dhe familjarëve të mi mos të vazhdoni më me aludime se cila ishte arsyeja e atij aksidenti të tmerrshëm.

Kjo është një barrë e jona mos e lodhni më veten.

Zoti qoftë me ju dhe familjet tuaja!”,shkruan Gjylameti. /tesheshi.com/

 

 

auto pjese dak

Related posts