INTERVISTA/ Njeriu i Merkelit: Opozita në Shqipëri e vizat për Kosovën, ankthet e rajonit

Ministri i Shtetit për Evropën në qeverinë gjermane, Michael Roth, kaq dhënë një intervistë për “Spiegel”, ku është shprehur për realitetin në Ballkanin Perëndimor, nevojën që rajoni të jetë pjesë e BE-së, por veçanërisht për Kosovën dhe Shqipërinë. Te e para e shqetëson fakti që nuk po jepet “Ok” për vizat, te e dyta forma e zgjedhur nga opozita për të bërë politikë.

Roth, a ju shqetëson aktualisht Ballkani?

Duhet të përfshihemi më shumë. Pavarësisht nga kritikat, BE është garantuesi më i madh i paqes dhe stabilitetit ne bote, por problemet tona ndonjëherë pengojnë vëmendjen tonë për fqinjësinë tonë direkte, më të afërt.

Në Shqipëri, opozita po demonstron kundër korrupsionit në qeveri. A përbëjnë këto rrezik për fillimin e negociatave të anëtarësimit?

Protestat janë një çështje e pranueshme sigurisht në një demokraci. Por, dhuna dhe urrejtja, bojkotimi i zgjedhjeve dhe largimi i opozitës nga parlamenti janë absolutisht të papranueshme. Shqipëria ka bërë një rrugë të gjatë për në BE. Opozita po rrezikon njohjen e këtyre arritjeve me politikën e saj penguese.

Pas zgjedhjeve evropiane do te vendoset për hapjen e negociatave për anëtarësim për Shqipërinë dhe Maqedoninë e Veriut. Disa hezitojnë, siç është presidenti Macron…

Ne kemi bërë zotime, tani duhet të dorëzojmë. Maqedoni e Veriut dhe Greqia kanë bërë histori me zgjidhjen e mosmarrëveshjes për emrin. Cili politikan në një shtet të BE do të guxonte të iniciojë një proces pajtimi kundër rezistencës së qartë sociale, që ishte përçmues për 28 vjet? Me Kosovën ne e shohim/përjetojmë se çfarë do të thotë kur një vend ndalohet.

A jeni në favor të liberalizimit të vizave midis BE-së dhe Kosovës?

Ne nuk e promovojmë atë si një dhuratë bujare, por sepse Kosova i ka përmbushur kushtet e BE. BE nuk duhet të japë përshtypjen se ne s’po lëshojmë pe gjithnjë dhe përsëri. Në qoftë se ne lemë një vakum në Ballkanin Perëndimor, forcimi i shtetit të së drejtës dhe demokracitë e tyre, do e të ndahen me vendet si: Kina, Rusia, Turqia.

Qeveritë e Serbisë dhe Kosovës po shqyrtojnë rivendosjen e kufirit; Komisioni i BE-së ka qenë i hapur për të. Çfarë mendoni ju?

Jo këtë. Ky propozim nuk qetëson, provokon ndarje të reja. Nuk duhet të lënë asnjë dyshim se e ardhmja e shoqërive në Ballkanin Perëndimor është shumë etnike dhe shumë-fetare. Nuk mund të ketë demarkime të reja përgjatë etnive.

Ndoshta do të duhen muaj pas zgjedhjeve evropiane derisa Këshilli dhe Parlamenti të bien dakord për një President të Komisionit. Në këtë fazë, nuk do të ketë gjasa për fillim negociatash për anëtarësim….

Ne nuk mund ta bëjmë kursin e botes te varur nga datat e zgjedhjeve në BE. Afati kohor parashikohet se: Në qershor 2019, Këshilli do të vendosë. Në fund të fundit, çfarë mund të dëgjohet nga Komisioni i BE-së, kushtet janë përmbushur.

 

auto pjese dak

Related posts