Auto Dak
Auto Dak
Auto Dak

Greqia përgatitet për një zgjidhje të mesme

Greqia ka shprehur gatishmërinë e saj për të arritur një kompromis në raundin e fundit të negociatave mbi paketën e shpëtimit financiar, me huadhënësit e saj ndërkombëtare, por për të arritur këtë marrëveshje ka nevojë për më shumë lëshime.

Negociatat teknike midis dy palëve vazhdojnë që nga e enjtja e kaluar nga ku diskutohet rreth gjetjes së reformave që duhet të zbatohen nga ana e Athinës në mënyrë që të vazhdojë deri në fund paketa e shpëtimit financiar. Ekziston një frikë mbi falimentin e Greqisë në të ardhmen e afërt, gjë që mund të pasohet me destabilizimin e eurozonës.

Zyrtarët e Bashkimit Evropian pritet të vazhdojnë bisedimet në ditën e sotme dhe ndoshta edhe në ditët në vijim. Një burim tha se ka ende “shumë çështje të pazgjidhura,” pavarësisht se data e takimit të ministrave të financave të eurozonës më 11 maj po afrohen.

Ministri grek i Financave Janis Varofakis tha javën e kaluar se egzistojnë debate mbi pensionet, duke theksuar se qeveria e tij “me vendosmëri kundërshton” kërkesat e huadhënësve për tolerime rreth pensioneve.

Që nga shkurti i fundit, Greqia është duke kërkuar gjetjen e një zgjidhjeje në mënyrë që Greqia të marrë 7.2 miliard euro, këstin e fundit të mbetur të paketës së shpëtimit financiar.

Të dy palët duhet të arrijnë një marrëveshje të shpejtë për shkak se pjesa evropiane e paketës së shpëtimit financiar përfundon në fund të qershorit. Në rast të dështimit për të arritur një marrëveshje ndoshta Greqia do të humbasë tërësisht pjesën tjetër të ndihmës.

Ministri spanjoll i Ekonomisë Luis de Gindos, ka paralajmëruar se eurogrupi synon “të kthejë rritjen ekonomike në Greqi,” duke theksuar se Athina, që ka bërë “përpjekje të mëdha” duhet të aplikojë reformat ekonomike.

Ai shtoi në një intervistë të dhënë për gazetën spanjolle “El Pais” se “Askush nuk dëshiron që Greqia të dalë nga eurozona, por thjesht duhet të respektohen rregullat.”

 

auto pjese dak

Related posts