728 x 90 Leaderboard

Detajet e vizitës së Juncker në Tiranë: a do të flasë për “peshkun e dytë të madh”?

Kreu i Komisiomit Europian Jean Claude Juncker pritet të japë një deklaratë të fortë nesër pasdite nga Tirana.

Siç mësohet, kreu i ekzekutivit të BE-së përveç se do të shpallë vendimin për hapjen e negociatave për Shqipërinë, pritet të lëshojë një “ferman” verbal të Brukselit për nisjet e hetimeve për zyrtarë të lartë.

SHBA dhe BE tashmë kanë marrë në dorë situatën e drejtësisë shqiptare dhe po nxisin duke sjellë material për hetime të bujshme.

Departamenti Amerikan i Shtetit, ka prej tre ditësh që jep intervista për media të ndryshme në Shqipëri, kryesisht jo

të mazhorancës, ku bën të ditur se ish-Kryeprokurori Adriatik Llalla është i përfshirë në afera korruptive.

Përsëritja e këtij refreni dhe ngulmimi që Arta Marku të nisë hetimet ndaj Llallës duket se tashmë është një synim i qartë afatshkurtër i amerikanëve.

Të cilët kanë bërë të ditur se janë gati të sjellin material nga SHBA për këtë çështje.

Ndërkohë kreu i komisionit Europian Jean Claude Juncker pritet të bëjë të ditur se BE-ja do të sjellë dosje të tjera për të ndihmuar hetimin ndaj |Peshqve të Mëdhenj”.

Ambasadorja e BE-së në Tiranë, Romana Vlahutin, në një shkrim që ka publikuar me rastin e vizitës së Juncker, thekson se duhet nisur urgjent zbatimi i reformës në drejtësi.

“Ne duhet të jemi të qartë: nuk ka rrugë të shkurtra apo anashkalim të reformave thelbësore. Ende ka shumë punë për të bërë, vendime të vështira për t’u marrë. Në këtë drejtim, zbatimi i reformave në fushën e shtetit ligjor, të drejtave themelore dhe qeverisjes së mirë, mbetet qëllimi më i rëndësishëm për Shqipërinë dhe pjesën tjetër të Ballkanit Perëndimor.

Shqipëria ka bërë ndërkaq përparim të konsiderueshëm në një numër reformash dhe veçanërisht në Reformën në Drejtësi, por shpresa dhe besimi te qëndrueshmëria e ndryshimit duhen forcuar përmes zbatimit të përditshëm dhe të prekshëm”, theksoi Vlahutin në një shkrim të përgatitur në prag të vizitës së Junckerit.

Kurse një zëdhënës i Departamentit të Shtetit, ka qenë më i ashpër.

Due folur për një intervistë për Klan Plus, zyrtari i DASH ka deklaruar se SHBA do të nisë goditjen ndaj politikës që po synon manipulimin e reformës në drejtësi.

“Ne kemi punuar në partneritet për më shumë se dy vjet me liderë nga Qeveria, Parlamenti, Opozita, shoqëria civile dhe komuniteti ndërkombëtar për të kaluar dhe zbatuar një reformë kuptimplotë të gjyqësorit, Departamenti i Shtetit do të vazhdojë të flasë në favor të sundimit të ligjit dhe reformës gjyqësore, dhe kundër përpjekjeve për të manipuluar zbatimin e saj”, deklaroi zëdhënësi i DASH-it.

Tashmë po përvijohet qartë se një nga “Peshqit e Mëdhenj” është pikërisht ish-kryeprokurori, ndërkohë që kanë filluar loja e hamendësimit të “peshkaqenëve të tjerë”. Sipas të gjitha gjasave do të jenë nga politika…

Kryetari i Komisionit Europian, Juncker së bashku me shefen e Politikës së Jashtme Mogherini dhe komisionirin Hahn mbërrijnë nesër Tiranë, rreth orës 17.30.

Rama i ka organizuar një pritje ushtarake në Rinas dhe përpara kryeministrisë.

Pas gati dy orësh bisedimesh Juncker dhe Rama do të dalin në konferencë për shtyp.

Presidenti i Komisionit Evropian, Juncker, shefja për Politikë të Jashtme dhe Siguri e BE-së, Federica Mogherini dhe Komisioneri për Zgjerim, Johannes Hahn, nisin nesër një turne të plotë ballkanik.

Turneu që nis nga 25 shkurti do të përfundojë më 1 mars. Kkëto vizita kanë si synim për të prezantuar strategjinë e BE-së për rajonin e Ballkanit Perëndimor.

/tesheshi.com/

Related posts