Auto Dak
Auto Dak
Auto Dak

BREXIT/ Mirupafshim Evropë! Në prag të së “premtes së zezë” mes Britanisë dhe BE-së

Britania do të bëhet vendi i parë që do të largohet nga Bashkimi Evropian të premten, pas një procesi kokëçarës prej tre vjeç e gjysmë.

Disa do ta festojnë, të tjerët do të jenë me zemër të rëndë.

Brexit, një proces që ka shkaktuar ndarje të thella në vend, që nga anëtarët e familjes mbretërore e deri tek anëtarët e parlamentit, do të ndodhë të premten në ora 11:00 me kohën lokale, ose në  mesnatë në Evropën Qendrore.

Midis Britanisë dhe 27 vendeve të tjera, për gjithçka tjetër duhet të bihet dakord. Një ndarje e bashkërenduar është vetëm fillimi i negociatave për rregullimin e marrëdhënieve në të ardhmen.

Përkundër gjithë punës së palodhur të euroskeptikëve më të përzemërt, Big Ben do të qëndrojë i qetë të premten.

Asnjë tringëllimë e Big Ben-it

Kumbimi i saj nuk do të festojë Brexit-in, por do të ketë një orë të ndezur në Downing Street që do të llogarisë kohën deri në dalje.

Avokati i zjarrtë i Brexit, Kryeministri Boris Johnson do t’i drejtohet kombit në mbrëmje.

Ai tani po e prezanton veten si unifikues për vendin, duke thënë se është koha që të gjithë, pavarësisht nëse ata kanë votuar Brexit-in, apo jo, të kthehen për të qenë së bashku në të ardhmen.

Kjo detyrë nuk do të jetë e lehtë për të pasi parlamentet në Skoci, Uells dhe Irlandë Veriore kanë hedhur poshtë ligjin e tij për Brexit.

Johnson morri detyrën në fund të korrikut dhe arriti atë që nuk e bëri paraardhësja e tij, Theresa May.

Ai ra dakord me Brukselin për disa ndryshime në marrëveshjen e Brexit-it; eliminoi rrezikun e një rikthimi të kufirit fizik me Irlandën dhe, falë shumicës dërrmuese të arritur në zgjedhjet e hershme të dhjetorit, të paregjistruara që nga koha e Margaret Thatcher, e bëri lehtë daljen përmes parlamentit.

Për përfundimin e marrëdhënies 47-vjeçare midis Britanisë dhe Unionit, mbetet vetëm një formalitet tjetër – marrëveshja duhet të konfirmohet nga eurodeputetët, të cilët do ta bëjnë këtë të mërkurë.

Një datë simbolike

Data e largimit, 31 janar, në të vërtetë është kryesisht simbolike sepse pak do të ndryshojnë në realitet.

Marrëveshja e divorcit parashikon një periudhë tranzicioni, deri më 31 dhjetor, deri në të cilën të dy palët duhet të bien dakord për marrëdhëniet e ardhshme, veçanërisht tregtinë.

Deri atëherë, Britania do të zbatojë rregullat evropiane, por nuk do të ketë të drejtën e votës.

“Ne duhet të kemi në mendje se Brexit nuk ka mbaruar. Në fakt, Britania po hyn në një fazë shumë më të gjatë të Brexit”, thotë analisti politik në Universitetin e Surrey, Simon Usherëood.

Një shenjë se një epokë e re po fillon, megjithatë, është emërimi i ambasadorit të BE-së në Britani, portugezit Joao Vale de Almeida, i cili e ka mbajtur këtë post në Shtetet e Bashkuara. Ai merr përsipër punën 1 shkurt.

Boris Johnson dëshiron të përfundojë negociatat për marrëdhëniet e ardhshme sa më shpejt të jetë e mundur dhe me vendosmëri kundërshton zgjatjen e periudhës së tranzicionit.

Brukseli nuk e kultivon optimizmin e Johnson-it

Ai ka thënë disa herë se dëshiron një marrëveshje të ngjashme me atë që BE ka me Kanadanë.

Brukseli e konsideron periudhën e tranzicionit si mjaft të shkurtër dhe nuk rrit optimizmin e Johnson-it se për gjithçka do të bihet dakord brenda një kohe rekord.

Përveç tregtisë, marrëveshje janë të nevojshme për shumë çështje kryesore si peshkimi, shkëmbimi i të dhënave dhe shërbimet financiare për Britaninë.

“Në 11 muaj, kjo është thjesht e pamundur,” thotë Fabian Zuleeg, kryeekonomist në Qendrën e Politikave Evropiane.

“Më e mira që mund të bëhet është një marrëveshje shumë themelore.”

Kryenegociatori evropian Michel Barnier ka thënë prej kohësh se vetëm një “minimum jetik” mund të arrihet brenda kësaj kornizë.

Mundësia e negociatave të vështira

Në të njëjtën kohë, Londra dëshiron të negociojë marrëveshjet e veta të tregtisë së lirë me vendet e tjera, veçanërisht Shtetet e Bashkuara.

Presidenti Donald Trump kohët e fundit njoftoi një marrëveshje “të shkëlqyeshme” me Britaninë në Londër.

Megjithatë, negociatat mund të jenë të vështira pasi Londra njoftoi se do të ndalte taksën dixhitale përkundër pakënaqësisë së SHBA.

Sekretari i Shtetit Mike Pompeo arrin në Londër në 29 janar për t’u takuar me Johnson, me misionin për konfirmuar “marrëdhëniet speciale” dhe për diskutuar “si t’i thellojmë ato pas Brexit”. /tesheshi.com/

 

auto pjese dak

Related posts