Auto Dak
Auto Dak

BE: sulmet mbi naftën saudite, kërcënim për sigurinë

Sulmet me dronë mbi një uzinë e një fushënaftëmbajtëse në Arabinë Saudite, të dyja në pronësi të kompanisë gjigande Aramco, janë një kërcënim i vërtetë për sigurinë rajonale, tha Bashkimi Evropian.

“Në një kohë kur tensionet janë të larta, ky sulm po minon përpjekjet e vazhdueshme drejt de-përshkallëzimit dhe dialogut”, thuhet në një deklaratë të Brukselit, ku shprehet keqardhje si për autoritetet saudite ashtu dhe për njerëzit, të cilët shënjestrohen nga këto sulme.

BE thekson se është shumë e rëndësishme të përcaktohen faktet dhe përgjegjësitë për këtë “veprim të turpshëm”.

“Në të njëjtën kohë, Bashkimi Evropian përsërit thirrjen e tij për kufizim maksimal dhe de-përshkallëzim”, u tha në deklaratë.

Sulmi ndaj dy impianteve të naftës saudite ka ndikuar në furnizimin global të naftës dhe në  përgjysmimin e prodhimit.

Përgjegjësia për sulmin u morr nga rebelët shiitë jemenas Huthi.

Por Sekretari amerikan i Shtetit, Mike Pompeo, ka fajësuar Iranin për sulmet, duke përjashtuar përfshirjen e jemenasve, e thënë se Teherani është i angazhuar në diplomaci të rreme.

“Teherani është pas afro 100 sulmeve ndaj Arabisë Saudite pasi Rouhani dhe Zarif pretendojnë të jenë të angazhuar në diplomaci”, tha Pompeo përmes Tëitter-it, duke iu referuar presidentit dhe ministrit të Jashtëm iranian.

“Mes të gjitha thirrjeve për de-përshkallëzim, Irani tani ka filluar një sulm të paparë mbi furnizimin me energji në botë.”

Por Irani ka hedhur poshtë pretendimet se qëndron prapa sulmeve, duke i quajtur ato pjesë të politikës “gënjeshtare ” të Uashingtonit. /tesheshi.com/

 

 

auto pjese dak

Related posts