Ish-kryeministri, Sali Berisha, ka reaguar në lidhje me vendimin për të ndërprerë nga TVSH dhënien e sinjalit të transmetimit mediave të tjera, duke e konsideruar një atentat të rëndë në Parlament.
Ai tha se për këtë fajtor është Edi Rama, që sipas tij ka bërë këtë akt prej xhelati ndaj mediave të lira.
“Ndërprerja e sinjalit për mediat të cilat në vite kanë përcjellë ditë e natë punimet e parlamentit, përbën një atentat të rëndë prej xhelatit të fjalës së lirë të parlamentit. Ky vendim është kryekëput vepër e Edi Ramës, një njeri i cili u del shqiptarëve edhe kur hapin derën e frigoriferit nga mëngjesi në darkë, tani përpiqet të mbyllë kanalet televizive. Unë i bëj thirrje me urgjencë të mblidhet kryesia e parlamentit për këtë vendim të pashembullt. Ky është dhunim i madh i të drejtës së informacionit”, tha Berisha jashte salles se seances plenare”, tha ai.
Berisha i sugjeroi mediave që të marrin ‘hak’ duke mos transmetuar asnjë nga aktivitetet e qeverisë. “Blackout total të qeverisë, kjo është rrezik i madh për fjalën. Akt i turpshëm”, tha ai.
Ndërkohë, kreu i Kuvendit, Gramoz Ruçi, në sqarimin e tij tha se në bazë të Rregullores së Kuvendit, TVSH mund të transmetojë të plota disa seanca, sikundër janë ato me debat, por çështjet e sinjalit mes TVSH dhe televioneve të tjera private nuk janë çështje që mund të zgjidhen nga Kuvendi. /tesheshi.com/
