Austria do jetë rivali i parë i kuqezinjve për këtë vit, pas lajmit të zyrtarizuar nga Federata Shqiptare e Futbollit.
Dueli do të zhvillohet në stadiumin Ernst Happel të Vjenës në datën 26 Mars, në ora 17:30. Austria është gjithashtu një prej 24 finalistëve të kampionatit europian. Ajo gjendet në grupin F, së bashku me Hungarinë, Islandën dhe Portugalinë.
Ndërkohë Shqipëria, luan në grupin A së bashku me Francën, Rumaninë dhe Zvicrën.
Kombëtarja e Shqipërisë është ndeshur gjashtë herë kundër Austrisë duke u mundur në të gjitha ndeshjet. Ajo ka pësuar në këto takime 13 gola dhe ka shënuar vetëm 1. Të gjitha takimet janë zhvilluar në vitet ‘80. /tesheshi.com/
