Kryeministri Isa Mustafa dhe kryeparlamentari Kadri Veseli në një konferencë të përbashkët për media kanë njoftuar se kanë arritur marrëveshje për riformatimin e qeverisë.
“Kemi arritur një marrëveshje të përbashkët që të shihet të gjitha mënyrat dhe fushat për zhvillimin e vendit, në kontekste të ndryshme. Po ashtu kemi rënë dakord që në vitin tjetër të fillojmë me Ligjin për sigurimet shëndëtësore. E dimë që do të jetë e vështirë, por jemi të përkushtuar që të gjithë qytetarëve t’u ofrojmë mbështetje kur kanë nevojë. Ligji për Trepçën do të përfundohet gjatë këtij viti. Në bashkëpunim me partnerin e koalicionit jemi marrë vesh që të ketë edhe dy emërime të reja, duke propozuar Hajredin Kuçin si zëvendëskryeministër (njëherësh do ta mbajë edhe pozitën e ministrit të Drejtësisë), ndërsa Enver Hoxhaj do të jetë ministër i Jashtëm”, ka thënë ai.
Dy partnerët e koalicionit ia kanë bërë të qartë edhe një herë partive opozitare se koalicioni qeverisës PDK-LDK do të vazhdoj deri në vitin 2018.
Kemi marr vendime të përbashkëta, jemi marr vesh të kemi një etapë të re, kryeministri është shumë i impenjuar për përmirësimin e sektorit të ekonomisë në Kosovë. Kemi arritur një marrëveshje të përbashkët për të gjitha fushat, reformë kjo që do të nis nga sistemi legjislativ”, ka thënë Veseli.
I pyetur nga mediat kryeministri Mustafa se a ka qenë për të i papranueshëm emri i Gani Kocit për ministër të Drejtësisë, kreu i ekzekutivit tha se për asnjë moment nuk ka marrë propozim nga parteri i koalicionit qeverisës PDK-ja që Koci të jetë ministër i Drejtësisë dhe për një gjë të tillë ka lexuar vetëm në media.
Ndërkaq, kryeparlamentari Veseli ka folur edhe për çështjen e Asociacionit dhe Demarkacionit me ç’rast ka thënë se koalicioni qeverisës do të vazhdoj të kryejë obligimeve ndërkombëtare me mendimin për të forcuar sovranitetin e këtij shteti.
“Çdo vendim për Asociacionin do të jetë për sovranitetin e këtij vendi, e e njëjta vlen edhe për Demarkacioni kufitar me Malin e Zi, prandaj do të veprojmë për interesat e qytetarëve tanë”, ka thënë ai.
/tesheshi.com/
