Presidenti turk Rexhep Tajip Erdogan dhe presidenti i amerikan Donald Trump së shpejti mund të kenë një takim ballë për ballë, qoftë në Turqi ose në prapaskenat e samitit të G20 në Japoni muajin e ardhshëm. Lajmin e bëri të ditur për Reuters një zyrtar i lartë turk.
Duke folur për gjendjen e anonimitetit, zyrtari tha se Erdogan e kishte ftuar Trumpin në Turqi dhe se kishte “sinjale pozitive”, se presidenti amerikan do ta pranonte ftesën.
“Ne jemi duke punuar në atë drejtim”, tha zyrtari. “I kemi disa sinjale pozitive, por momenti i takimit ende nuk është planifikuar. Ata mund të takohen edhe në kornizat e samitit të G20 në Japoni, “tha ai. “Për një vizitë dypalëshe ne presim një datë të saktë”.
Shtetet e Bashkuara dhe Turqia momentalisht janë në gjendje të tensionuar, kryesisht për shkak të blerjes së sistemeve të mbrojtjes raketore, S-400, të cilat Uashingtoni thonë se nuk janë në përputhje me rrjetin e mbrojtjes të NATO-s dhe përbëjnë një kërcënim për avionët luftarakë të SHBA-ve, F-35, të cilat Turqia gjithashtu planifikon t’i blejë.
Sekretari i Shtetit i SH.BA-ve Mike Pompeo dhe disa senatorë të shquar të SHBA kanë paralajmëruar Turqinë se do të ndëshkohet për blerjen e S-400, sipas legjislacionit që kërkon sanksione kundër vendeve që sigurojnë pajisje ushtarake nga Rusia. Turqia thotë se si anëtare e NATO-s nuk përbën kërcënim për Shtetet e Bashkuara dhe sanksionet nuk duhet të zbatohen.
Ministri i Financave i Turqisë Berat Albajrak, i cili është gjithashtu dhëndri i Erdoganit, në muajin prill u takua me Trump dhe dhëndrin e tij, Jared Kushner, në lidhje me këtë çështje.
Mediat kanë dhënë shumë pak detaje lidhur me takimin, por media turke citoi Albayrak të thoshte se Trump kishte një “mirëkuptim pozitiv në lidhje me nevojat e Turqisë për S-400”. /tesheshi.com/
