Shefi i OKB-së për të drejtat e njeriut tha se Presidenti i Filipineve, Rodrigo Duterte duhet të vizitohet tek psikiatri pasi ka problem serioze mendore.
Pas aksionit të Manila kundër të dërguarit të OKB-së, duke përfshirë akuzat për terrorizëm, Shefi i të Drejtave të Njeriut, Zeid Ra’ad Al Hussein tha: “mirë do të ishter që Presidenti i Filipineve të paraqesë një raport mjeksor nga psikiatri”.
Zeid dhe zyrtarë të OKB-së janë përqëndruar në metodat e Duertes në luftën ndaj drogës. Policia ka vrarë më shumë se 4,100 të dyshuar, por grupet e të drejtave thonë se më shumë se 8,000 të tjerë janë vrarë në atë që ata aksione që e përshkruajnë si “krime kundër njerëzimit”.
Raportuesi i posaçëm për vrasjet jashtëgjyqësore, Agnes Callamard, është bërë një objektiv i veçantë i Duterte-s. Zeid iu referua raporteve të mediave të nëntorit nga Filipinet që cituan Duterten duke kërcënuar se duhet vrarë Callamard.
“Kjo është absolutisht e turpshme që një president i një vendi mund të flasë në këtë mënyrë, duke përdorur gjuhën më të keqe ndaj një raportuesi të respektuar. Ai është zyrtar i OKB dhe respektohet edhe në kohë lufte”, u tha Zeid gazetarëve.
Zeidi tha se një gjykatë e Filipineve kanë dënuar një reportere tjetër të OKB-së për terrorizëm. Manila ka akuzuar reporteren Carpuz se është “ bërë anëtare e Partisë Komuniste të Filipineve dhe të Ushtrisë së Re Popullore”.
“Kjo akuzë është sigurisht e papranueshme për një raportues të posaçëm që vepron në emër të bashkësisë ndërkombëtare, ekspertizën e të cilit po e kërkon Këshilli i të Drejtave të Njeriut”, tha Zeid.
/tesheshi.com/
