Një tjetër politikan gjerman ka trazuar politikën e Tiranës dhe pikërisht në zjarrin e debateve nëse u hapën apo jo negociatat.
Thorsten Frei, raportuesi i grupit parlamentar CDU/CSU, i tha DW se vendimi i Brukselit për Shqipërinë dhe Maqedoninë nuk mund të merret as si “po” dhe as si “jo”.
Të enjten duhej të bëhej një votim në Bungestagun gjerman mbi dy rastet, por ai nuk u realizua. Dhe sipas shpjegimit të zyrtarit të Berlinit, kjo ka ndodhur kur u pa që Këshilli i BE-së nuk do të merrte vendim.
Më tej ai është treguar i qartë dukë thënë se “ne, si grup parlamentar i partive CDU e CSU, do ta kishim mirëpritur qysh tani një vendim për çelje negociatash me kushte. Për Shqipërinë do të kishim qenë dakord për çeljen e negociatave, nëse do të ishin përmbushur dy kushte: përfundimi i vettingut për 57 gjyqtarët e prokurorët më të lartë dhe përmbyllja e reformës zgjedhore”. /tesheshi.com/
