Ministria e Shëndetësisë informoi dhe për dy të infektuar të tjerë në Shqipëri nga koronavirusi, por jo nga Tirana. Zv/ministrja Rakacolli tha se 24 orët e fundit janë kryer 43 testime të reja, ndërkohë që vetëm dy prej tyre kanë rezultuar të prekur me CoVid-19.
“Janë kryer 43 testime të reja, kanë rezultuar pozitive vetëm 2 raste. Njëri prej tyre është i lidhur me rastin e parë, tjetri një i moshuar në Lushnje që ka udhëtuar nga Bergamo.
Një i moshuar në Lushnjë 79-vjeç me histori udhëtimi në Bergamo dhe është rikthyer në Shqipëri. Në total janë vlerësuar 157 njerëz. Deri tani vetëm 12 janë pozitiv nga koronavirusi.
9 kanë lidhje me të parin ndërsa tre janë raste të tjera. Tre prej të prekurve janë në QSUT pa probleme të veçanta. Një në Lushnje dhe 7 në vetizolim. 104 persona kontakte me personat që janë më COVID janë në vetkarantinim. Po vazhdojmë të gjurmojmë rastet”. tha nr.2 i shëndetësisë shqiptare.
Ndërkohë, dukeu ndalur te maskat apo dhe të masat e marrë, ajo tha se gjithçka i përgjigjet situatës.
“Maska oksigjeni ka me miliona. Aparatura oksigjenimi ka në çdo spital. Janë totalisht të mjaftueshme. I kemi marrë masat, se duke e ditur që në fillim si zhvillohet sëmundja kemi qenë të ndërgjegjshëm, që problemi do të ishte me sigurimin e respiratorëve. Kemi parë sa kemi në total dhe jemi në rregull. Qëveria ka vënë në dispozicion 400 milionë lekë për koronavirusin”, tha Rakacolli. /tesheshi.com/
