Hetimi mbi vrasjen e ambasadorit rus në Ankara është duke u përqëndruar në lidhjet e mundshme me lëvizjen Gulen, tha për Al Jazeera-n një zyrtar i lartë në partinë qeverisëse të Turqisë.
Grupimi FETO, i udhëhequr nga kleriku Fetullah Gylen i cili jeton në SHBA është akuzuar nga Turqia për organizimin e tentativës për grusht shteti në mesin e korrikut.
Atentatori i cili qëlloi ambasadorin rus, Andrey Karlov të hënën në mbrëmje, është identifikuar nga autoritetet turke si një 22-vjeçar, pjesëtar i shërbimit të forcave të policisë kundër trazirave në kryeqytetin e Ankarasë.
Mevlut Mert Altintas bërtiti në gjuhën turke “mos harroni Halepin! Mos harroni Sirinë!” pas vrasjes së ambasadorit në një ekspozitë në kryeqytet.
Altintas pastaj bërtiti: “Vetëm vdekja do të më nxjerrë nga këtu. Gjithë ata që kanë rol në këtë shtypje, do të vdesin një nga një”.
Kani Torun, një deputet i Partisë për Drejtësi dhe Zhvillim, tha për Al Jazeera-s se atentatori ishte një oficer aktiv legjitim, pa ndonjë dëshmi që të ketë qenë në kontakt me grupe që luftojnë në Siri.
“Sipas të dhënave paraprake, ai nuk është një person i cili ka qenë në Siri dhe sipas të gjitha gjasave ai nuk del të ketë patur ndonjë kontakt me ndonjë grup në Siri”, tha Torun, i cili është gjithashtu zëvendëskryetar i komitetit të punëve të jashtme të parlamentit.
“Prandaj, fajtori i vetëm i mundshëm për këtë sulm është FETO. Ata kanë qenë shumë aktivë në forcat policore”, tha Torun.
“Edhe pse anëtarët e këtij grupi janë larguar në masë të madhe nga nga forcat e policisë, ne besojmë, se ata mund të kryejnë sulme vetëvrasëse si kjo”, shtoi zyrtari turk. /tesheshi.com/
