Zyra e kryeministrit kanadez, Justin Trudeau, i ka kritikuar fort Fox News-in dhe retorikën islamofobe të administratës së Trump-it.
Në një letër të hapur të drejtoreshës për komunikim të Trudeau-t pak ditë pasi gjashtë persona u vranë si pasojë e të shtënave në një xhami në Kebek ka qortim si për kanalin informativ në fjalë, ashtu dhe për retorikën e sotme të administratës së re amerikane.
Kate Purchase i ka shkruar letër të hapur Fox News-it pasi kanali e kishte shtrembëruar identitetin e vrasësit në qytetin Kebek në një postim në Twitter. Në fakt, i dyshuari ishte Alexandre Bissonnette, 27-vjeçar, një djalë i bardhë francezo-kanadez.
Në letrën e zyrtares kanadeze kritikohen politikat që përpiqen të ndërtojnë mure dhe të bëjnë koka turku bashkësi të ndryshme. Në të kundërshtohet retorika e Trump-it për të justifikuar urdhrin e tij për ndalimin e muslimanëve, duke theksuar se “muslimanët janë kryesisht viktimat më të mëdha të sulmeve terroriste në mbarë botën”. /tesheshi.com/
