Zyra e kryeministrit Ramush Haradinaj siç duket nuk i përcjell me vëmendje zhvillimet që ndodhin brenda amabsadave të huaja në Kosovë.
Në njoftimin, që ka dërguar sot kjo zyrë, thuhet se kryeministri do të takohet me bizneset nga diaspora, përfaqësuesit e Odës Ekonomike Gjermane ku e pranishme do të jetë edhe ambasadorja gjermane, Angelika Viets.
Por në fakt, Angelika Viets nuk është më në krye të këtij misioni në Kosovë pasi vendin e saj tashmë e ka zënë Christian Heldt, i cili ka pranuar të martën letrat kredenciale të ambasadorit të ri gjerman.
Ky fakt, ndoshta i ka ikur zyrës së kryeministrit.
Por gabimin e bërë megjithatë zyra e kryeministrit e pa shpejt dhe e përmirësoi atë, duke dërguar kështu edhe një njoftim tjetër, tashmë të përmirësuar me emrin e ambasadorit të ri gjerman. /tesheshi.com/
