NATO po përgatitet për një operacion të madh në Kosovë për të garantuar kthimin e një numri serbësh dhe ngritjen e Asocacionit të Komunave apo ndryshe Zajednicës.
Pikërisht për këtë mision të ri të KFOR-it, ka mbërritur në Prishtinë komandanti i Forcave të NATO-s në Europë, gjenerali amerikan Curtis M. Scaparrotti, i cili përpos të tjerëve ka takuar edhe ambasadorët e pesë vendeve të Këshillit të Sigurimit të OKB-së.
Siç bën të ditur në një komunikatë të saj zyra e NATO-s në Kosovë, “kryekomandanti i trupave të NATO-s në Europë, ka deklaruar se KFOR do të rrisë prezencën dhe fuqinë në mënyrë që të sigurojë një ambient të sigurt për të gjithë dhe të ndalojë tentativat për prishjen e ekuilibrave në Ballkan.
“KFOR-i luan rol të rëndësishëm në situatën stabile të sigurisë në mënyrë që të ofrojë kohë dhe hapësirë të nevojshme për përparim diplomatik”, thuhet më tej në deklaratë. /tesheshi.com/
