Kryeministri Edi Rama, përmes një postimi në rrjetet sociale, u ka drejtuar një apel të gjithë qytetarëve që të aplikojnë për t´u bërë pjesë e bashkëqeverisjes. Rama bën të ditur se aplikimet do të zgjasin edhe 1 javë, ndërsa falenderon 275 të interesuarit që kanë depozituar konform rregullave kërkesat e tyre.
Postimi i Kryeministrit
Edhe një javë për të aplikuar! Numri i aplikimeve për t’u punësuar në Zyrën e Bashkëqeverisjes me Qytetarët është sot 275.
Falenderojmë të interesuarit për aplikimet e tyre sipas kërkesave, për të cilin rikujtojmë se kërkohet Letër Motivimi (pse dua të punoj në këtë zyrë) + CV + 2 letra rekomandimi të kandidaturës (nga ish-dekanë ose pedagogë të fakultetit ku aplikanti ka kryer studimet; punëdhënës të mëparshëm; figura të respektuara të komunitetit ku aplikanti ka banuar apo banon aktualisht). Përndryshe aplikimi konsiderohet i pavlefshëm.
Aplikimet janë të hapura deri në 27 gusht.
Të gjithë ata që lexojnë për herë të parë për këtë zyrë të posaçme, e cila do të ngrihet menjëherë me krijimin e qeverisë së re, mund të marrin një informacion të plotë në postimin nr.1 me të njëjtin titull.
Faleminderit.
Grupi i Punës për ngritjen e Zyrës së Bashkëqeverisjes /tesheshi.com/
