Zv.kryeminstri rus, Dimitry Rogozin i kërkon kryeministrit serb Aleksandar Vuçiç ta ndihmojë që të gjejë vendin ku është varrosur katragjyshi i tij në Serbi. Dhe këtë e ka bërë në mënyrë publike në një postim në twitter.
“I kërkova kryeministrit serb Vuçiç të gjejë vendin ku katragjyshi im, gjenerali majori i ushtrisë ruse, Nikolai Antonoviç Mitkeviç Zholtok është varrosur”, shkruan Rogozin në faqen e tij.
Ndërsa Vuçiç i përgjigjet: “I dashur mik, ne do të bëjmë gjithçka mundemi t’u ndihmojmë”.
Dhe i gjithë komunikimi është bërë në cirilike.
Rogozin është njeriu që po merret me furnizimin Serbisë me armë nga Rusia; ndërkohë që kjo kërkesë private s’kishte pse bëhej në twiter por në komunikim telefonik, apo dhe me letër porosi diplomatike; ose edhe direkt, pasi zv.kryeministri rus sapo u kthye nga Beogradi ku ishte një javë më parë.
Por ajo është një “kërkesë metaforike” që tregon se jo vetëm rusët e sotëm por edhe katragjyshët e tyre kanë luftuar për ta mbrojtur Serbinë…
/tesheshi.com/
