Ukrainasit e plagosur nuk do të trajtohen në Zvicër, sepse qeveria e këtij shteti evropian nuk iu përgjigj kërkesës së Aleancës Veriatlantike për të mos shkelur parimin e neutralitetit, njoftoi Ministria e Punëve të Jashtme të Zvicrës.
“Zvicra, përmes ndihmës dhe angazhimit të saj humanitar, në parim ofron mbështetje më të mirë dhe më efikase në vend, sesa nëse pacientët do të pranoheshin në Zvicër”, tha ministria.
Ajo shtoi se pritja e luftëtarëve ukrainas do të ishte problematike për neutralitetin e vendit, një gur themeli i politikës së jashtme zvicerane për më shumë se dy shekuj.
Sipas nenit 37 të Konventës së Gjenevës të vitit 1949, të plagosurit dhe të sëmurët e larguar nga zona e konfliktit duhet të “mbrohen në vendet neutrale”, në mënyrë që të mos marrin pjesë përsëri në armiqësi.
Kërkesa, e bërë nga NATO, e cila koordinon evakuimet mjekësore jashtë Ukrainës, u prit mirë në kantone përpara se Ministria e Jashtme federale të vendoste t’i jepte fund, raportojnë mediat zvicerane. /tesheshi.com/
