Zvicra ka inaguruar sot, më 1 qershor, tunelin hekurudhor më të gjatë dhe të thellë në botë. Ky krijim i fundit i inxhinierëve shtrihet përmes Alpeve duke përshpejtuar lidhjen mes vendeve të Europës.
Galeria e re nëntokësore, e cila është realizuar pas 17 viteve punë, ia kalon masivit të Gottardos e 57.1 kilometra. E gjithë infrastruktura ka kushtuar rreth 11 miliard euro.
Tuneli, i projektuar gjatë shekullit të shkuar, nuk është vetëm një vepër rekord, por ka edhe një vlerë simbolike. Në një kohë kur liderët europianë diskutuan në lidhje me një mbyllje të mundshme të kufijve, lidhja e re hekurudhore do të shërbejë edhe për afrimin e veriut me jugun e Europës.
Në fakt, struktura e re do të lehtësojë lidhjet e akseve hekurudhore më të rëndësishme të kontinentit: atë mes Roterdamit dhe Xhenovës.
Trenat do të transportojnë pasagjerë nga një pjesë në tjetrën e San Gottardo vetëm për 17 minuta dhe rruga nga Zyriu në Milano do të shkurtohet me thuajse një orë. /tesheshi.com/
