Në një grup me Shqipërinë në Euro 2016, Zvicra ka zhvilluar sot pasdite në Gjenevë një ndeshje miqësore ndaj Belgjikës, të cilën e ka humbur.
Trajneri Petkovic e ka nisur takimin me pesë lojtarë me origjinë shqiptare në njëmbëdhjetëshen zviceriane. Mesfusha qe e tëra shqiptare, e përbërë nga Xhaka, Dzemaili, dhe Behrami. Me një skemë 4-3-3, në sulm ishin Mehmedi dhe Shaqiri.
Zvicerianët u treguan më këmbëngulës në pjesën e parë të lojës. Dzemaili shënoi në minutën e 31-të, duke i dhënë epërsinë ekipit të tij.
Epërsi që nuk do të zgjaste shumë, pasi belgët e gjejnë shpejt barazimin. Lukaku barazon tre minuta më pas. Pjesa e parë do të mbyllej 1-1.
Belgjika imponohet në pjesën e dytë, duke parë më tepër nga porta kundërshtare. Zvicerianët kryen gjashtë ndërrime karshi pesë të belgëve.
Seferovic do të nxirrej me të kuqe në minutën e 81-të. Pa kaluar shumë, në minutën e 83-të, De Bruyne tregon klasin e tij me një gjuajtje nga larg. 2-1 për Belgjikën!
Ky do të ishte dhe rezultati përfundimtar i takimit. /tesheshi.com/
