Pas zemërimit spanjoll të muajve më parë, kur shorti vuri përballë në gjysëmfinalen e Champions League, Realin me Atletikon, një histori e ngjashme është rikthyer sërish.
Këtë herë, në qendër të vëmendjes janë gjermanët dhe britanikët, sipas asaj që kanë pikasur zviceranët, raporton Blick.
Blick publikoi një foto në të cilën Sekretari i Përgjithshëm, Giorgio Marchetti hap topin me dy copa letre gjatë tërheqjes së shortit për play off të kualifikimeve për Champions.
Në një moment, Marchetti shikoi dy copa letre, dhe njërën e flaku atë nën tavolinë. Më pas ai hapi letrën tjetër në të cilën ishte shkruar Hoffenheim.
“Marchetti e kishte injoruar letrën për shkak se nuk kishte ndikim në tërheqjen e shortit”, ishte shpjegimi nga UEFA.
Dyshimi është rritur për shkak se ekipi Hoffenheim u vendos të përballet me kundërshtarin më të vështirë të mundshëm, Liverpulin.
“Sipas gjitha gjasash letra e dytë nuk ishte asgjë, ngase klubi ynë është shumë i panjohur”, komentoi me ironi trajneri i Hoffenheimm Julian Nagelsmann, duke aluduar në trukimin e përballjes, me vendosjen e një rivali të vështirë kundër ekipit të tij. /tesheshi.com/
