Pa ngjarjes së tmerrshme të ndodhur në Paris, Facebook aktivizoi komandën “Safety Check” për të ndihmuar njerëzit që familjarët dhe miqtë e tyre të dinë se ata janë të sigurt dhe të paprekur nga kjo ngjarje. Më shumë se 4.1 milion njerëz e përdorën këtë opsion të Facebook.
Ndërkohë që shumë njerëz e cilësuan si një mjet që lehtësoi komunikimin e tyre, Facebook njëkohësisht u përball me shumë kritika nga ata njerëz, të cilët nënvizuan se kompania nuk e kishte aktivizuar këtë opsion në një sulm tjetër tragjik: Bombardimet në Bjerut të Libanit, ngjarje e ndodhur një ditë para ngjarjes në Paris.
Në një postim të quajtur “From Beirut, This is Paris: In a World That Doesn’t Care About Arab Lives”, një mjek libanez me emrin Elie Fares, shkruante si më poshtë:
“Kur njerëzit e m’i ndërruan jetë, asnjë shtet i botës nuk vuri në profilet e tyre në Facebook flamurin tonë. Edhe Facebook nuk u shqetësua aspak për sigurinë e jetës së të afërmve tanë. Ja cekimi im i sigurt në Facebook: ne i kemi mbijetuar sulmit terrorist në Bejrut”.
Themeluesi i Facebook, Mark Zuckerberg është përgjigjur nëpërmjet një postimi në këtë rrjet social duke shpjeguar arsyen e këtij mosveprimi në rastin e ngjarjes në Bejrut:
“Shumë njerëz kanë pyetur me të drejtë se pse ne e aktivizuam Safety Check për ngjarjen e Parisit dhe jo për bombardimet në Bejrut apo në vende të tjera. Deri dje, policia jonë për aktivizimin e Safety Check ishte vetëm në rastin e katastrofave natyrore. Kur ndodhi ngjarja në Paris ne e ndërruam këtë pjesë të policisë për të aktivizuar Safety Check edhe për katastrofat njerëzore”.
Facebook ka aktivizuar këtë opsion vetëm pesë herë, që prej lançimit të tij në tetor të vitit 2014, në raste kur ka pasur katastrofa natyrore të shkaktuara nga cunami apo tërmetet.
“Falenderojmë të gjithë ata që kanë bërë të tilla pyetja, çka na çoi në ndryshimin e disa mjeteve për përdorimin e Safety Check. Keni të drejtë, pasi në botë ka edhe shumë konflikte të tjera të rëndësishme. Ne kujdesemi për të gjithë njerëzit në të njëjtën mënyrë dhe do të punojmë sa më shumë të jetë e mundur për të ndihmuar njerëzit në nevojë dhe në situata të vështira”,- shkruan Zuckerberg./tesheshi.com/
