Nga Bardha Nergjoni
Nga alpet, turistët çekë kanë zbritur në ultësirën e Shqipërisë, dhe pikërisht në lumenjtë e saj, sigurisht për kënaqsinë e tyre, por vetëvetishëm për t’u dhënë leksion shqiptarëve se si mundet të përfitojnë prej pasurivë natyrore, sidomos për turizëm.
Fjala vjen për rafting, një sport i panjohur në lumin Shkumbin, që është është kthyer tashmë në një intenerar nga një grup turistësh çekë, që Zoti i ruajt se mos pësojnë dhe në ato ujra ndonjë fatkeqësi, siç u ka ndodhur në malet e ashpra shqiptare.
Për habinë e të gjithëve, pasi e kanë provuar një vit më parë, kanë marrë kajakët dhe kanë provuar të lundrojnë në ujin e rrëmbyeshëm pas shirave të ditëve të fundit.
Një vit më parë kanë zgjedhur vendin nga Ura e Bushtricës deri në Librazhd duke tërhequr vëmendjen e banorëve të zonës që nuk e kishin menduar se ky lloj sporti mund të praktikohet në ujërat e lumit Shkumbin.
Turistët janë shprehur se mund të ushtrohet i njëjti sport si në kanionet e Skraparit pasi Shkumbini ka periudha ku mund të shijohet adrenalina e ujit të rrëmbyeshëm dhe bukuria e zonës.
Fotografitë mjaft interesante u publikuan nga banorë të zonës që kanë filluar të mendojnë për të ofruar kajakë për këtë sport emocionues të ndikuar nga këta turistë të aventurës që rikthehen për të dytin vit rresht në të njëjtin vend. Sipas turistëve, gjithçka është emocionuese, jo e rrezikshme, afër rruges kombetare dhe mjaft argëtuese. Ata kanë deklaruar se do të jenë më të shumtë vitin tjetër pasi ky lumë i ka të gjitha kushtet për këtë lloj sporti.
Ndërkohë drejtues lokalë të mjedisit thonë se zona e Librazhdit duhet të kthehet në një destinacion të tillë dhe jo të ndërtohen hidrocentrale që sjellin vetëm pasoja në mjedisin e kësaj zone mjaft të bukur. /tesheshi.com/
