Duke parë nisjen e etheve elektorale për 2021-shin, ambasadorja Yuri Kim u ka përcjell një letër-apel partive shqiptare që të kenë kujdes së ç’njerëz zgjedhin për t’u dhënë mandat deputeti.
“Ju jeni përgjegjës për kandidatët e ardhshëm. Inkurajojmë gjithë partitë të kontrollojnë kandidatët dhe të kandidojnë vetëm ata që respektojnë votuesit shqiptarë. SHBA do të vijojë që të luftojë korrupsionin dhe do të qëndrojmë krah atyre zyrtarëve që e luftojnë” shkruhet mes të tjerave në letrën që u ka mbërritur Ramës, Bashës e Kryemadhi.
Kim kërkon as më e as më shumë, por vetting për kandidatët.
“Ne inkurajojmë të gjitha partitë politike të bëjnë veting për kandidatët dhe të kandidojmë vetëm ata që janë të kualifikuar dhe respektojnë votuesit shqiptarë.
Ndërsa individi është përgjegjës të deklarojnë historinë e tyre kriminale, udhëheqësit e partive duhet të sigurojnë integritetin dhe vërtetësinë e deklaratave të atyre që kërkojnë funksione nën siglën e tyre.
Ligji i Dekriminalizimit përcakton se personat e dënuar, të ndjekur penalisht ose me rekorde penale në Shqipëri ose jashtë, nuk kanë të drejtë të emërohen në poste publike, d.m.th. të zgjedhur nga qytetarët, ose të emëruar në poste brenda administratës publike, ose institucioneve të përcaktuara në Kushtetutë ose akte të tjera ligjore.
Çdo falsifikim ose mosdeklarim mund të përbëjë një vepër penale që i nënshtrohet dënimit sipas legjislacionit penal. Në përputhje me Ligjin e Dekriminalizimit, disa deputetë dhe kryetarë të bashkive ose kanë dhënë dorëheqjen ose janë shkarkuar, dhe të tjerët janë hetuar”, shkruan gruaja në krye të ambasadës amerikane në Tiranë.
Ajo ka paralajmëruar se dhe SHBA do kenë nën vazhgim të imtësishëm çdo emër.
“Ne do të vazhdojmë të përcaktojmë individë të përfshirë në korrupsion të rëndësishëm sipas nenit 7031 (c) gjatë afishimit vjetor. Ju mund të luani një rol në këto përpjekje duke i mbajtur këta individë të njohur, të korruptuar jashtë listës suaj të partisë.
Shtetet e Bashkuara e vlerësojnë Shqipërinë si një mik, partner dhe aleat të NATO-s”, thekson ambasadorja Kim. /tesheshi.com/
