Kryeministri i Maqedonisë, Zoran Zaev, ka arritur në Kosovë dhe kështu ka thyer rekordin e zi ku asnjë kryeministër i këtij vendi nuk shkelte tokën kosovare.
Ai u prit me ceremoni shtetërore nga Haradinajt me të cilin ka zhvilluar dhe një takim.
Zaev pas takimit me Haradinajn ka shkruar në Facebook se dy vendet nuk kanë asnjë çështje të hapur.
“Republika e Maqedonisë dhe Republika e Kosovës kanë marrëdhënie pozitive e konstruktive dhe bashkëpunim në të gjitha nivelet”, ka thënë Zaev.
Ai ka bërë me dije se gjatë ditës do të takojë edhe kryekuvendarin, Kadri Veseli dhe presidentin Hashim Thaçi, “si liderë të dy vendeve që nuk kanë çështje të hapura”.
“Jemi këtu për të shkuar një hap para: të hapim mundësi të reja për promovim dhe thellim të marrëdhënieve tona bilaterale. Jam i lumtur që jam kryeministri i parë i Republikës së Maqedonisë që viziton Kosovën”, ka shkruar ai. /tesheshi.com/
