Një ditë pas incidenteve në Likovë, ku nga qeeveria maqedonase u pretenduar se ishte sulmuar një postë policore nga njerëz me uniforma të UÇK-së, gjë që çdoi në dërgimin e tankeve në këtë fshat, reagon lideri i opozitës Zoran Zaev. Ai është shprehur optimist se se marrëdhëniet ndëretnike nuk do të përkeqësohen. “Populli në Maqedoni është i bashkuar në luftën për liri dhe demokraci kundër majës më të lartë të pushtetit dhe ai është vet garancia e sigurisë dhe stabilitetit të Maqedonisë, në të cilën gjenë prehje shpirtërore.
Mund të shfaqen grupe banditësh të inicuar nga individë apo grupe, ose të motivuar me vetëinisiativë të cilët dëshirojnë të peshkojnë në ujra të turbullta, por sidoqoftë, secila përpjekje që për të shkaktuar tensione, sidomos në ato ndëretnike, do të dështojë”, ka thënë Zaev, sipas të cilit ky skenar është mision i pamundur, por që të vërtetohet kjo nevojitet angazhim edhe i instiucioneve të shtetit duke përfshirë shërbimet e sigurisë.
“Edhe pse këto shërbime janë drejtpërdrejtë të lidhura me majën e pushtetit, Zaev beson se aty ka njerëz profesionist dhe të ndershëm të cilët mund të japin maksimumin që situata të mbahet e qetë”, ka thënë Zaev.
