Edhe pse mbetet ende në opozitë, lideri i opozitës maqedonase, Zoran Zaev flet si fitues zgjedhjesh. Në një intervistë të dhënë për “Kurir”-in serb, ai tha se për qeverinë duhet pritur kur të mbarrojnë të gjitha procedurat. Sipas tij, maksimumi deri të hënën presidenti duhet të përcaktojë mandatarin.
“Për bisedimet do të presim që të mbarojnë të gjitha procedurat. Qytetarët deklaruan për ndryshime. Për atë disa herë e kam përsëritur se vullneti i shumicës së qytetarëve patjetër duhet të transformohet në vendoset në institucionet. Personalisht shoh se ekziston vetëdije për këtë dhe shpresoj se së shpejti është koha që Maqedonia të fitojë Qeveri të përgjegjshme të qytetarëve të Maqedonisë”, ka thënë Zoran Zaev.
Ai foli gjithashtu dhe për aferën e përgjimeve të cilën e inicoi dy vite më parë. Sipas tij, drejtësia duhet të veprojë ndaj atyre që u shfaqën aty duke abuzuar me pushtetin.
“Drejtësia patjetër të përmbushet. Ajo patjetër duhet të jetë porosi, jo vetëm për Maqedoninë, por edhe për rajonin dhe për botën, pasi që askush nuk është i paprekshëm dhe se çdokush që ka bërë keq, e fiton dënimin. Patjetër duhet të jetë ashtu, që askujt, asnjë politikani, të mos i shkoj më në mend që t’u bëjë diçka të ngjashme qytetarëve”, tha Zaev. M.Krasniqi /tesheshi.com/
