Jo vetëm Zvonko Veselinoviç, por edhe biznesmeni tjetër kontravers i veriut të Kosovës, Zoran Millojeviç ne nofkën “Zhela”, është duke zhdëpur në dajak të gjitha ata serbë të Kosovës dhe Serbisë që janë kundër kryeministrit aktual të Serbisë, Aleksandër Vuçiç. Po ndodh kjo, ndërsa po afrohen zgjedhjet në Serbi.
Informacionin e mësipërm për një klime dhune në veri, në kuadër të atmosferës së zgjedhjeve, e përcjell një burim kofidencial për tesheshi.com.
Burimi thotë se ditë më parë, Zoran Millojeviç – Zhela, në takimin e mbajtur nga partia e Vuçiqit në Leposaviq, ka kërcënuar dhe rrahur disa serbë që kanë kundërshtuar haptazi politikën e kryeministrit aktual serb karshi Kosovës.
“Nëse Veselinoviç është dora e djathtë e Vuçiçit në Kosovë, atëherë Millojeviçi është dora e majtë e kryeministrit serb, i cili në mënyrë jo të ligjshme është duke përfituar para në emër të serbëve të Kosovës nga ana e qeverisë së Serbisë”, ka thënë burimi.
Se Millojeviçi është njëri shumë i afërt me Vuçuçin, flet fakti se ai është emëruar edhe n/kryetar në Zyrën e Qeverisë së Serbisë për Kosovën në Beograd.
“Serbi nga Kosova, Millojeviçi, dhunën ndaj bashkombasëve të tij e ka shtrirë edhe në Serbinë Qendrore, pikërisht në qytetin e Majdanpekut duke rrahur dy aktivistë të Partisë Demokratike të Serbisë në opozitë. Gjithashtu, Zhela ka marrë pjesë direkt edhe në rrahjen e pjesëtarëve të opozitës në qytetin e Vërbasit në Vojvodinë kohë me parë”, kanë thënë burimi.
Për shkak të lidhjeve të forta që Millojeviçi ka me kapon e krimit të veriut të Kosovës, Zvonko Veselinoviç, ai është emëruar edhe si këshilltar special i Drejtorit të Zyrës Serbe për Kosovën në Prishtinë, ka sqaruar burimi, duke shtuar se nëse hyni në sajtin e kësaj zyre, askund nuk do ta gjeni emrin e Zoran Millojeviçit që është i punësuar aty, por ai në këtë pozitë ka ardhur si kryetar i Partisë “Serbia e Re për Kosovën” e Velimir Iliçit, që është në koalicion me partinë e kryeministrit serb, Aleksandër Vuçiç.
Millojeviqi në Kosovë njihet si një ndër kontrabanduesit më të mëdhenj të naftës si dhe pronar i pikës së karburanteve ‘MSN Petrol’ në Leposaviq. Po ashtu Zhela njihet dhe për dhënien e disa urdhrave për rrahjen e gazetarëve serbë gjatë trazirave serbe të vitit 2011 në veri të Kosovës, kur serbët vendosen barrikada ne rrugët për të mos lejuar qarkullimin e KFOR-it dhe pjesëtarëve të Policisë së Kosovës. M.M – /tesheshi.com/
