Romana Vllahutin, kroatja që drejtoi Zyrën e BE-së në Tiranë për afro 5 vite, pasi pasoi në këtë detyrë italianin Etore Sekui, pati ditën e fundit në Shqipëri pas përfundimit të mandatit në Tiranë.
E pagëzuar si “flokëkuqja” prej narrativës opozitare, e thënë kjo pezhorativisht për rolin e saj në reformën në drejtësi, znj. Vllahutin ka ndarë përjetimin e saj individual me anë të një mesazhi në Tëitter, ku gati e “qan me lot” ikjen nga Shqipëria
“Sot është dita e fundit e mandatit tim si ambasadore e BE-së në Shqipëri. Do të jem gjithnjë mirënjohëse për privilegjin që m’u dha për të punuar në dobi të Shqipërisë dhe Europës. Shqipëria po punon fort për vendin e saj në BE, që i takon me të drejtë. Mund t’ju uroj vetëm që të keni forcë dhe vendosmëri për ta arritur këtë qëllim sa më shpejt. Sa për mua, personalisht, mundësia për ta ndarë jetën me njerëzit e mirë të Shqipërisë, dhe për ta pasur Shqipërinë shtëpinë time për katër vitet e fundit, ka qenë një dhuratë e mrekullueshme. Faleminderit”, shkruan Vlahutin.
Kroatja e BE-së do të mbahet mend që së bashku me ambasadorin amerikan Donald Lu, u investua fort për reformën në drejtës, duke u shndërruar në shënjestër të sulmeve të opozitës. Do veçohet një akuzë e ngritur ndaj saj për blerjen e një vile të shtrenjtë të blerë në periferitë rezidenciale të Tiranës, për të cilën u mbrojt nga Brukseli. E ka blerë nën emrin tonë – u tha nga eprorët e saj. /tesheshi.com/
