Jarinja dhe Bërnjaku, dy pikat kufitare në veri të Kosovës, për të gjashtën ditë vijojnë të jenë të bllokuara nga protestuesit të cilët në disa vende kanë ngritur edhe barriera zhavorri. Në dy prej komunave me shumicë serbe në veri të Kosovës tensionet janë përshkallëzuar gjatë natës së kaluar.
Sipas asaj që shkruajnë mediat e Kosovës Qendra e Regjistrimit në Zubin Potok është djegur nga serbët të cilët nuk po e pranojnë reciprocitetin për targat. Serbët kanë hedhur granata dore edhe në Qendrën e Regjistrimit në Zveçan, por që nuk kanë arritur ta djegin.
Nga ana tjetër, përmes një reagimi në rrjetet sociale, ministri i Punëve të Brendshme Xhelal Sveçla ka thënë se është fjala për një akt kriminal me elemente terroristë. /tesheshi.com/
.
