Palestra e klubit të basketbollit Gravelines në Francën veriore u dogj e gjitha në ditën e Krishtlindjes në një zjarr të madh, raportoi AFP.
“Nuk ka më sallë basketbolli, gjithçka është djegur…”, tha presidenti i klubit Gravelines, Christian Devos.
“Dyzet vjet jetë në sallën Sportica u zhdukën në tym e flakë”, shtoi ai.
I gjithë kompleksi sportiv, i cili përfshin pishinën, kafenenë dhe ndërtesat përreth, u dogj dhe më shumë se 60 zjarrfikës u mobilizuan për të shuar zjarrin që shkatërroi sallën me 3000 vende.
“Nëse do të kishim qenë në një periudhë me frekuentim të lartë në pishinë apo nëse do të kishte pasur stërvitje në sallën e basketbollit, do të ishte katastrofike”, nënvizoi Devos.
“Por gjithçka ishte e mbyllur, për mirëmbajtje. Dhe nuk kishte asnjë praktikë për ekipin e basketbollit kur filloi zjarri,” shtoi ai.
Heart breaking scenes in France this morning. The Gravelines Sportica which is the home of LNB Pro A team BCM Gravelines-Dunkerque is currently on fire. Praying that no one is in danger. pic.twitter.com/S20VZDuUv4
— Josh Bett (@JoshBett1) December 25, 2023
E shtatëmbëdhjetë dhe e parafundit në ligën e parë franceze, Gravelines duhej të priste Parisin e dytë aktualisht të enjten, por ndeshja nuk do të zhvillohet. Në vitin 2004, Gravelines ishte një finalist në ligën franceze, dhe një vit më vonë fitoi kupën. /tesheshi.com/
